ФИЛИПЧЕ УВЕРУВА: Ќе има доволно ПЦР тестови за административците што нема да сакаат да се вакцинираат
За новите ковид-мерки в понеделник ќе разговараат здравствените власти и синдикатите.
Во интервју за ТВ Телма министерот за здравство Венко Филипче вели дека ќе им ги слушне аргументите и од нив ќе бара помош за начинот на спроведување на мерките.
Тој потенцираше дека за дополнителни рестрикции засега не се размислува, но сериозно ќе ги засилат контролите на спроведувањето на веќе постоечките мерки.
Според Филипче, ќе има доволно ПЦР тестови за да се тестираат вработените во јавната администрација кои нема да сакаат да се вакцинираат, а ќе мора да прикажат негативен тест.„Веќе се надминати ризиците од тоа да нема доволно ПЦР тестови“, рече Филипче, додавајќи дека се надева и дека ќе има доволно вакцини за администрацијата.
Филипче рече дека нема да се откаже од овие мерки, бидејќи, според него, ова треба да се направи сега, затоа што доаѓаат зимските месеци и се зголемуваат ризик факторите.
„Не сакаме да стигнеме до она што го најавува Австрија, целосен локдаун. Земјите во регионот имаат полоша слика од нас, не е задоцнета оваа мерка“, рече министерот за здравство.
Слично
Поврзани вести
