Mинистерот за здравство, Венко Филипче попладнево на прес-конференција рече дека сите заразени со коронавирусот се откриени во рана фаза. 

Вели дека здравствениот систем добро ја менаџира состојбата, но голема улога имаат и граѓаните. 

Министерот рече дека се мобилизирале уште кон крајот на јануари, кога била поставена термална камера на границите. 

Филипче додаде дека редовно држи прес-конференција со цел јавноста да биде добро информирана. 

„Ние сме подготвени дополнително да ги заостриме мерките“, рече министерот. 

Заразени се 48 луѓе во земјава, а меѓу нив има и едно дете. 

Штом ќе има потреба болницата „8-ми Септември“, ќе биде ставена во функција за згрижување на заразените.