Заштитата на здравјето на граѓаните во текот на изборниот процес беше на највисоко ниво, напиша на Фејсбук министерот за здравство Венко Филипче. Преку постот се заблагодари и на граѓаните за почитувањето на протоклите и мерките за заштита, како и на медицинските работници, ангажирани во изборниот процес.

-Голема благодарност за свесноста и почитувањето на мерките од страна на сите гласачи - покажавме дека можеме да функционираме со почитување на протоколи и мерките за заштита. Голема благодарност и до сите медицински работници, членови на избирачките одбори, комисијата за заразни болести и сите вклучени во организацијата на парламентарните избори во текот на трите дена на гласање за доследно спроведување на протоколите. Тоа е начинот на којшто ќе продолжиме да живееме безбедно - со носење маска, дезинфекција, почитување дистанца и почитување на протоколите, напиша Филипче.