Филипче повторно ќе се тестира за коронавирус
Mинистерот за здравство, Венко Филипче в четврток ќе се тестира повторно на Ковид-19.
Првиот тест на Филипче беше негативен, а според протоколот, ќе треба да се направи и втор тест по сомнежот за ризичен контакт.Втор тест ќе треба да направат и премиерот Оливер Спасовски, вицепремиерот Бујар Османи, како и министерот за образование, Арбор Адеми и неколку други функционери, како и новинари и сниматели.
Функционерите и претходно беа негативни на тестовите.
Тие претходно присуствуваа на седницата на Кризниот штаб во Куманово и на прес-конференција, а по која градоначалникот на Куманово, Максим Димитриевски, соопшти дека е позитивен на коронавирусот.
Димитриевски деновиве објави дека резултатите од последните анализи на Ковид-19 се негативни.
Тој обвини за монтиран случај.
Слично
Поврзани вести
