Филипче потврди дека е регистриран втор случај на индискиот сој кај нас
Регистриран е втор случај на индискиот сој на коронавирусот во земјава.
Се работи за уште еден наш граѓанин кој дојде од Ирак, а се лекувал во една од приватните болници. Ова денеска го потврди министерот за здравство Венко Филипче по посетата на реновираниот Здравствен дом во Битола.
„Пациентот не е во ризик. Нема ризик ниту од ширење на болеста, според направените епидемиолошки анкети и нема потреба од дополнителни анкети“, рече Филипче.
Филипче нагласува дека е важно граѓаните да се вакцинираат, затоа што вакцините штитат од тешка форма на болеста и од смрт дури и кога се работи за индиската варијанта на вирусот.
Слично
Поврзани вести
