Министерот за здравство, Венко Филипче, кој денеска беше во посета на Општата болница во Гостивар, даде појаснување во однос на идејата што вчера ја изнесе во јавноста, а тоа е средношколците од 4-та година во средномедицинските училишта да бидат ангажирани во борбата против епидемијата. Реакција за ова денеска стигна и од Унијата на ЗМСТАС, по што министерот информираше подетално.

-Вчера во текот на денот стигнаа реакциите и разговараме уште неколку пати со дел од родителите на учениците и со директорката на средното медицинско училиште. Една од опциите е да се приклучат и да се поддржи работата во одделенијата каде што не се третираат ковид пациенти, за да оние поискусните медицински сестри се вклучат работат со ковид пациенти. Како и да е во следните неколку дена ќе се донесе дефинитивна одлука која секако нема да биде наметната и ќе биде во договор со сите чинители, посочи министерот Филипче.