Филипче: Од вчера на ротација во Скопје има 54 доктори и медицински сестри
Mинистерот за здравство, Венко Филипче денеска изјави дека за 24 часа имаме 46 оздравени, а починати се 9 лица.
Филипче вели дека во сите земји во регионот има пораст на бројот на заболени.
„Во изминатите 2-3 дена интензивно работевме на подготовка на капацитетите со цел да одговориме на новиот наплив. Дел од клиниките се оптоварени и здравствените работници се навистина изморени после четиримесечна борба со вирусот“, рече министерот.
Од вчера на ротација во Скопје има 54 доктори и медицински сестри кои веќе работат, а веќе е направен план и за следни ротации од сите болници и здравствени домови од земјава.
Разговарано е со приватните клиники и болници, кои го нудат својот персонал.
Монтажната болница се користи од вчера, и таму има тројца луѓе, како што кажа Филипче.
Тој рече дека ваква здравствена криза досега немало во земјава.
Слично
Поврзани вести
