Филипче: Немам заеднички бизниси и недвижнини со Заев
Претседателот на СДСМ, Венко Филипче, во денешната „Тема на денот“ на Сител рече дека не поседува заеднички бизниси, ниту заеднички недвижнини со претходниот лидер на партијата Зоран Заев.
„Ние од нашите претходници може само да учиме. Заев веќе не се занимава со политика, а интересно е тоа што ВМРО-ДПМНЕ излегува со такви соопштенија, нема вистина во заеднички бизниси и заеднички недвижнини. Главното прашање е што ВМРО-ДПНЕ мисли за Заев. Тие уживаат во придобивките на неговите политики.
Да видиме што мисли министерот за одбрана кога учествуива на состаноците на НАТО кога гордо седи, таму, дебатира и се фотографира. Не сум оптеретен со тоа и треба да имаме поинаков однос“, рече Филипче.
По лидерската средба со премиерот Христијан Мицкоски, Филипче вели дека тој и СДСМ имаат обврска да работат многу интензивно имајќи предвид во каква состојба се наоѓа државата и како владата на ВМРО-ДПМНЕ ја води државата.
- Ако одам да се пазарам, нема тоа да го правам со 20 камери. Таму отидов заради државнички политики, рече Филипче и додаде дека соработката на опозицијата со власта може да биде само консензуално креирање на заеднички закони и дека СДСМ ќе работи прво на еден таков за Министерството за правда.
Слично
Поврзани вести
