Филипче: Наместо реформи, Мицкоски нуди само изолација и анти-ЕУ кампања
Наместо да ги спроведе реформите што Европа ги бара две години, Мицкоски нуди само изолација и анти-ЕУ кампања.
Преку 70% од граѓаните сакаат ЕУ – а тој зборува за „булинг“ и „прва и втора лига“.
Ова го посочува лидерот на опозициската СДСМ, Венко Филипче кој реагира на изјавите на премиерот Христијан Мицкоски.
- Тоа не е булинг, тоа е последица од неисполнување на обврските: правда, слобода на медиуми, борба против корупција.
ВМРО секојдневно создава конфликти со соседите а на критиките од Брисел одговара со напади врз ЕУ.
Затоа нема напредок, затоа 5 тони дрога излегуваат преку македонската граница неказнето, затоа судството и обвинителството се под контрола, а медиумите се задушени преку моделот на Орбан - нагласува Филипче.
Потоа дополни дека „Европа ни даде јасна шанса до 2027, заедно со регионот! Црна Гора и Албанија напредуваат. Ние?“.
- Само ако престанеме со оваа политика на изолација што намерно ја турка Мицкоски. Мицкоски ВМРО не сакаат ЕУ – сакаат да крадат на тендери без надзор. Тоа не е европска вредност. Тоа е криминална вредност. Единствениот булинг на македонскиот народ му го прават ВМРО-ОКГ и Мицкоски - нагласи Филипче
Слично
Поврзани вести
