Пет пациенти се починати, од Куманово, од Лабуништа, Челопек, Штип, изјави министерот за здравство, Венко Филипче денеска на прес-конференција. 

Влошена е и состојбата на родилката од Куманово, вели министерот. 

Во Штип има хоспитализирани луѓе со лесна, но и со потешка клиничка слика. 

„Остваривме посета во болницата во Куманово со државниот секретар и претставници на Институтот за јавно здравје, со оглед на тоа што 18 здравствени работници се заразени“, вели Филипче. 

Инфективното одделение во кумановската болница е погодено од заразата. 

Од болницата му било соопштено дека имаат доволно заштитна опрема. 

„Нема друго одделение ко ее компромитирано“, рече министерот. 

Дијагностицирани се 29 нови, и сега имаме 599 заразени во државата. 

Направени се 386 тестови за 24 часа.