Венко Филипче, министерот за здравство, денеска рече дека според националниот планот, по 2.000 до 2.500 граѓани на ден ќе се вакцираат против Ковид-19 со кинеските вакцини кои се очекува да стигнат во најбрзо време. Закажувањето ќе оди преку Мој термин, и тоа на 10 минути, а во понеделник ќе биде потпишан договорот за набавката.

- Преку „Мој термин“ ќе се анализираат податоците за лицата и преку овој систем ќе се информираат матичните лекари кои ќе ги контактираат лицата за да се утврди волјата за вакцинација. По што самиот лекар ќе ги внесе податоците и ќе чека повратна информација за тоа каде лицето односно на кој пункт ќе се вакцинира, датум и време. Следната недела ќе биде достапен и сајтот каде исто граѓаните ќе можат да аплицираат, а потоа податоците ќе се анализираат. Термините помеѓу вакцинацијата ќе бидат на 10 минути. Се очекува 2000 до 2.500 граѓани да бидат вакцинирани на дневна основа , рече Филипче.

Здравствените работници ќе се вакцинираат на еден пункт, а другите од Скопје во поликлиниката ,,Букурешт” , додека од други градови во вакциналните пунктови во градовите.Втората група се лицата на возраст од над 70 години,

Тој додаде дека е подготвен транспортот од аеродром, па сѐ до вакциналните пунктови, а подготвени се и ладните соби и комбињата за чување на температура од 2 до 8 степени.

Филипче за информациите од КОВАКС рече дека преку оваа програма за земјата се предвидени помеѓу 103.200 и 175.200 дози, но само 35 отсто од нив ќе пристигнат во првиот квартал