Фетаи рече дека според висината на казната има основа СЈО да бара и мерка притвор, но со оглед на семејната ситуација, односно фактот што има бебе кое не е виновно за постапките на родителот, побара судот да ѝ изрече на Јанкулоска забрана за напуштање на живеалиште, односно престојувалиште.
Јанкулоска денеска не присуствуваше во кривичниот суд за време на објавувањето на првостепената пресуда, а истовремено беше на рочиште по предметот „Тврдина“.
Одбраната на Јанкулоска кажа дека предлогот на СЈО за дополнителни мерки на претпазливост е неоснован и нема причини судот да прифати уште една мерка, бидејќи нема опасност од бегство.
