ВОЗАЧКИТЕ ДОЗВОЛИ СО СТАРОТО ИМЕ НА ДРЖАВАТА ЌЕ ВАЖАТ ДО КРАЈОТ НА ГОДИНАТА

Возачките дозволи ќе важат до крајот на годината. 

Собранието по скратена постапка попладнево ги донесе законските измени според кои крајниот рок за замена на возачките дозволи со ознака „Република Македонија“ ќе биде до крајот на годината односно 31 декември 2024.

НОВИ МИНИСТРИ ЗА ЗДРАВСТВО И ИНФОРМАТИЧКО ОПШТЕСТВО

Собранието ги избра Илир Демири и Наим Бајрами за министри за здравство и за информатичко општество и администрација. 

Tие доаѓаат на местото на нивните сопартијци Фатмир Меџити и Азир Алиу кои во петокот беа разрешени на предлог на техничкиот премиер Талат Џафери, поради раскол во партијата Алијанса за Албанците во однос на настапот на изборите. 

НА ПОТЕГ Е ОЈО ЗА ДОКУМЕНТИТЕ

Адвокатот и поранешен судија Владимир Туфегџиќ се огласи на фејсбук во врска со неважечките документи кои им создаваат проблеми на граѓаните. 

„Одговорност мора да има од едноставна причина што во изминатите пет години при издавањето на лични документи со стариот формат надлежниот орган на управата не превземал ниту едно дејствие со цел навремено известување на граѓанинот дека рокот на важност на стариот формат истекува на 12.02.2024 година.

Тоа бил во обврска да го направи со запишување на рокот на важност до 12.02.2024 година во самиот документ или при издавањето на документот истовремено да му достави писмено укажување за крајниот рок на важност.

КАТИЦА ЈАНЕВА СЕ ВРАБОТИ

Катица Јанева, поранешната специјална обвинителка, која ја издржува казната затвор, на социјалната мрежа Фејсбук објави дека се вработила во адвокатската канцеларија на нејзиниот син Лазар Јанев. 

Како што јавноста памети, своевремено Лазар Јанев беше вработен како менаџер во поранешната телевизија 1ТВ на Борјан Јовановски или Боки 13.

Инаку, во 2021 година Борјан Јовановски беше осуден на девет години затвор за примање награда за противзаконско влијание и за перење пари, а Јанева на седум години за злоупотреба на службената положба и овластување како специјална јавна обвинителка.

ЧИТАЈТЕ УШТЕ

Наплаќаат висока сума за одржување влезови, но не испорачуваат услуга. Со вакви поплаки се јавија голем број граѓани до редакцијата на Фактор. Жители од главниот град негодуваат околу работата на компаниите лиценцирани за одржување станбени објекти.

Психијатрите и психолозите велат дека поради финансиски стрес, кај луѓето можат да се јават анксиозност, депресија, па дури и самоубиствени мисли и нагони.

Производители, односно сопственици на фотоволтаични централи, кои го контактираа „Фактор“ ужажуваат дека електричната енергија која ќе му ја продаваат „Акуо Енерџи“ и „Митилинеос“ како стратешки инвеститори на ЕСМ изгледа доста скапо, со оглед на поволностите од државата кои ги добиваат овие стратешки инвеститори.

Расте вредноста на македонските компании што котираат на Берзата. Вкупната пазарна капитализација на котираните друштва се зголемила за 5,16 отсто во јануари во однос на претходниот месец.

Нови задолжувања се случуваат на домашниот пазар, а во игра влегува и петгодишна државна обврзница.

Народната банка ја намали вредноста на државните резерви во валути и депозити за 292 милиони евра за еден месец (јануари годинава во споредба со декември 2023 година).