НА ВТОРИОТ ДЕН ОД ПОПИСОТ СЕ ПОЈАВИЈА ТЕХНИЧКИ ПРОБЛЕМИ

Oд Државниот завод за статистика, информираат дека во претпладневните часови се појавија спорадични и локациски изолирани проблеми при процесот на попишување на населението на терен. 

Објаснуваат дека во кратки периоди и на одредени локации апликацијата за попишување не функционираше и одреден број на попишувачи не можеа да попишуваат. 

ОД КОРОНАВИРУСОТ ПОЧИНАА 32 ЛУЃЕ

Министерството за здравство информира, согласно податоците од Институтот за јавно здравје:

Во последните 24 часа се направени 2.558 тестирањe, а регистрирани се 199 нови случаи на КОВИД-19:

Скопје – 157, Куманово и Кавадарци – по 6, Прилеп, Гостивар, Кичево и Дебар – по 4, Велес- 3, Битола, Штип, Струга, Свети Николе и Крива Паланка – по 2, Богданци – 1.

Регистрирани сe 556 оздравени пациенти од: Скопје – 164, Тетово – 115, Струмица – 50, Куманово – 40, Гостивар – 35, Штип – 26, Кавадарци – 20, Кичево – 15, Битола – 14, Велес – 11, Дебар – 10, Ресен и Пробиштип – по 9, Валандово – 8, Прилеп – 7, Кочани -6, Кратово – 5, Неготино и Радовиш – по 4, Свети Николе – 2, Виница и Богданци – по 1.

ЦЕЛИ ПАРАЛЕЛКИ ОДАТ ВО ИЗОЛАЦИЈА

Цели паралелки во три градови во земјава одат во изолација поради коронавирусот. 

Станува збор за паралелки во Велес, Прилеп и во Штип.  Се работи за основни и средни училишта. Оваа учебна година почна со настава со физичко присуство за сите ученици во Македонија. 

ПОЗНАТО Е ОД ШТО БОЛЕДУВАЛ КИЧЕЕЦ

Зоран Милески Кичеец имал одобрен прекин на издржувањето на затворската казна во рок од 30 дена, период кој нема да му се засметува во издржаната казна, соопштија денеска од Управата за извршување на санкции. 

СПАСОВСКИ И ЧУЛЕВ ГО КАЖАА СТАВОТ ЗА СКАНДАЛОТ СО ДИПЛОМАТОТ

Оливер Спасовски при денешната посета на Куманово рече дека не бил министер за внатрешни работи кога била распишана потерница по високиот дипломатски службеник Миле Миленкоски, кој беше иапсен изминатиот период откако во 2018 му помогнал на братот на ерменскиот претседател да пребега од Ереван во Виена, иако се барал од ерменските власти за проневера на околу 7 милиони долари.

Наќе Чулев, поранешниот технички министер за внатрешни работи, се огласи на социјалните мрежи со тврдење дека, иако во негово време била распишана меѓународна потерница по дипломатот Миле Миленкоски, за тоа не бил информиран од никого во неговиот ресор.

ЧИТАЈТЕ УШТЕ

Во последната година од мандатот се прават обиди да се „протурка“ спорниот ДУП кој Расадник во Кисела Вода ќе го претвори во нов мал град со нови 25 илјади жители. Наместо заеднички простор, рекреативни и јавни содржини ќе никнат голем број на згради во предел кој и онака има оптоварена инфраструктура, собраќајен хаос и високо загадување на животната средина.

Во Македонија има доволен број на преведувачи по англиски јазик и за нив има работа поради широката примена на јазикот. За работа или студирање во странство, потребен е превод на документи. Поради миграцијата во Германија, граѓаните сѐ почесто имаат потреба од превод на документи на германски јазик. Истото се случува и со словенечкиот јазик,  но тоа не е случај со другите јазици.

Годинава политичките партии ќе потрошот иста сума како лани од државниот буџет, или околу 3,5 милиони евра, а сумите веќе им се префрлени од Министерството за правда. Овие пари ќе се трошат за кампања пред локалните избори во октомври.

Пропадна намерата Загребската берза да го зголеми сопственичкото учество во Македонска берза. Тие 276 акции кои во берзата ги поседуваше пропадната Еуростандард банка, а за чие преземање берзата од Загреб уште во март годинава доби согласност да ги купи, сега се во нечии други раце, дознава Фактор.

Паднал системот, па попишувачите од цела Македонија не можеле да внесуваат податоци за лицата кои ги попишуваат. Апостол Симовски, директорот на Државниот завод за статистика за Фактор ја потврди информацијата и рече дека сатнува збор за технички проблем кој не е во системот туку до услугата која ја опслужува телеком операторот. Вели дека моментно е на терен во Тетово и дека се надева дека проблемот ќе биде решен многу брзо. Веќе се известени техничките лица.