КОЈ СЕ ВЛЕГУВА ВО СОБРАНИЕТО?

Некои се веќе целосно сигурни дека ќе седнат во пратеничките столчиња, каде во следните четири години ќе гласаат закони и доколку добро си ја вршат работата, ќе бидат коректив на извршната власт. Јавноста се надева дека нема да бидат само послушна гласачка машинерија која слепо ќе ги почитува директивите од партиските естаблишменти, туку ќе мислат со своја глава и ќе се борат за доброто на граѓаните. Доколку нивните партии опстојат на ветувањата, ќе им ги скратат бенефициите кои досега наголемо ги уживаа, како што се патните трошоци од кои инкасираа илјадници евра.

Има и такви, пак, кои онака како што ДИК ги изброја пратеничките мандати, не се најдоа на добитните места на партиските листи, но уште имаат надеж дека ќе влезат како пратеници во законодавниот дом. Ова од причина што доколку нвната партија формира Влада, оние што се на првите места ќе станат министри, или можеби директори на некои државни институции и акционерски друштва, па тие по автоматизам ќе дојдат на нивните места како пратенции во Собранието. Или, доколку некој пред нив се откаже од пратеничкиот мандат, што е многу тешко за верување. 

ЗАЕВ ЗАМИНУВА НА ОДМОР

Социјалдемнократскиот сојуз денеска со сооптение ја информира јавноста дека по парламентарните избори лидерот Зоран Заев ќе оди на годишен одмор и ќе летува во Македонија, а постизнорните активности и преговарања за состабување на Влада ќе започнат по празникот Илинден.

„Воедно, ја информираме јавноста дека претседателот Заев од утре ќе користи неколку денови годишен одмор кој ќе го мине во државата“, инфомира СДСМ во своето соопштение.

ИМА СОМНЕЖИ ЗА ИЗБОРНИТЕ РЕЗУЛТАТИ

Oд ВМРО-ДПМНЕ денеска на прес - конференција изјавија дека победиле во 41 општина, а СДСМ во десетина. 

Портпаролот Димче Арсовски рече дека на сајтот на ДИК имало податоци кои не кореспондираат со нивните податоци и записниците од избирачките одбори. Кажа дека функционери на СДСМ јавно повикувале да се прешкртуваат гласачки ливчиња. 

„Ќе бараме рачно пребројување на гласачките ливчиња. Потребно е да се заштити волјата на граѓаните“, рече тој. 

Ќе достават десетици приговори до Државната изборна комисија за гласањето во Долнени, Пласница, Битола и во Кичево, вели шефот на изборниот штаб од Алијансата за Албанците, Арбен Таравари во изјава за новинската агенција ИНА. 

„Имаме чисти случаи на изборен фалсификат кој се случуваше од 19 часот до 21 часот. Токму во тој момент се прави несфатливата разлика во резултатите. Местењето придонесе во Долнени ДУИ да добие 2.200 гласа а ние само 200, во Пласница, резулатот е 2.000 за нив 100 за нас, што е надвор од умот. Има навистина многу вакви случаи. Ова се случува во Кичево. Разликата е толкава што се коси со здравиот разум. Или на одредени избирачки места во Битола, каде има многу малку или воопшто нема гласачи Албанци, а ДУИ има стотици гласови. ‘Силувањето’ на гласовите е практика која ДУИ ја повторува во секој изборен циклус. Тоа е знак за тоа колку сме далеку од демократија“, вели Таравари.

ОБВИНИТЕЛСТВОТО ОТВОРИ ПРЕДМЕТ ЗА СТАТУСОТ НА АПАСИЕВ

Основното јавно обвинителство отвори предмет против Димитар Апасиев, лидерот на „Левица“, кој откако неговата партија освои два пратенички мандати на парламентарните избори напиша статус на „Фејсбук“ кој гласи „Џабе ни се лижете, сите ќе ве стреламе“. Ова невладините организации го протолкуваа како закана против нив.

Претседателот на Левица, Димитар Апасиев, сè уште ја нема добиено поканата од Обвинителството да оди на распит поради неговите статуси на Фејсбук. Како што изјави тој за Сител, не постојат никакви елементи за кривично дело во статусот „Џабе ни се лижете, сите ќе ве стреламе“.

ДЕНЕС ИМА 164 НОВИ ЗАРАЗЕНИ СО КОРОНАВИРУСОТ

Петмина ја изгубија битката со Ковид- 19. 

За 24 часа починале пет лица од коронавирус, а потврдени се 164 нови случаи.

Министерството за здравство објави дека во последните 24 часа се направени 1.612 тестирања, а најмногу нови случаи се регистрирани во: Скопје-59, Свети Николе – 23 и Дебар – 18.

ЧИТАЈТЕ УШТЕ

ДУИ го постигна најдобриот резултат на овие избори во услови кога коалициите предводени од двете најголеми партии СДСМ и ВМРО-ДПМНЕ забележаа пад во однос на постигнатите резултати од 2016 година. 

Нов историски рекорд во аналите на Македонска берза. Акцијата на поранешната винарија „Сковин“ во која најголем акционер е „Фершпед“ вчера прокнижи пад на цената од 99 отсто. 

Течат роковите се конституирањето на новото Собрание, потоа и за формирањето нова Влада. Според законските правила, поранешниот претседател на законодавниот дом има 20 дена од одржаните избори да ја свика конститутивната седница. 

Техничкиот министер за внатрешни работи Наќе Чулев, ќе биде на министерската позиција уште најмногу една недела. 

Државниот санитарен и здравствен инспекторат денеска ќе издаде решени за збрана за работа на приватната градинка, за која вчера повеќе надлежни инстиотуции констатираа дека работи во услови на пандемија, што е директно прекршување на протоколите.

Младата 24 годишна пациентка која минатата недела почина од коронавирусот, навистина претходно имала хронично заболување, но болеста веќе долг период наназад и била ставена под контрола, така што таа за неа веќе не примала терапија.