ПУНКТОВИ ЗА ЛИЧНИ ДОКУМЕНТИ ЗА СКОПЈАНИ

На ниво на државата досега се заменети 1.050.000 патни исправи, 900.00 лични карти и 480.000 возачки дозволи, соопшти денеска министерот за внатрешни работи Оливер Спасовски, кој денеска со раководството на Министерството за внатрешни работи го посети пунктот во Полициската станица „Пролет" каде граѓаните можат да направат промена на личните документи, без претходно закажување.

Спасовски информираше дека се инсталирани 10 нови работни станици, каде што ќе можат граѓаните да извршат сликање за документите. Причина за отварањето на пунктот, како што посочи во изјава за медиумите, е бројноста на населението во Скопје и фактот дека на околу 70 проценти од закажаните термини граѓаните не се појавуваат, а притоа презакажуваат  нови термини.

ИМАЛО ЗАКАНИ ЗА СТАНОВИТЕ НА МИЈАЛКОВ КОИ СЕ НА АУКЦИЈА

Првиот човек на Агенцијата за конфискуван имот, Дритон Небиу, вели дека вработените трпат закани, поради конфискуваниот имот кој е ставен на аукција.

На аукција се становите на екс директорот на Управата за безбедност и котраразузнавање, Сашо Мијалков. Дел од неговиот имот е сопственост на државата по спроведувањето на правосилната пресуда во предметот „Империја“.

СУДИЈКАТА ОЉА РИСТОВА ВЕЛИ ДЕКА СУДСКИОТ СОВЕТ ТРЕБА ДА СЕ РЕФОРМИРА

Судијката Оља Ристова денеска преку свој фејсбук статус жестоко реагира на изборот кој е направен за нови судии во Апелациониот суд.

Таа вели дека била прворангирана од Основниот кривичен суд и овој избор го чекала две и пол години, но не е избрана. Нагласува дека изборот е скандалозен и дека Судскиот совет мора под итно да се распушти и да се реформира. 

НАПУКНА СТОЛБ НА МОСТОТ НА ЦРНА РЕКА

Бетонски столб на мост на Црна река, по кој сообраќаат возовите во земјава е напукнат, поради што има прекин во железничкиот транспорт. 

ЧИТАЈТЕ УШТЕ

Марија Јаническа, дипломиран правник од Скопје ќе биде директорка на Оперативно-техничката агнеција (ОТА). Предлогот, Јаническа да седне во директорското столче веќе е доставено до  пратениците, а како што е образложено во документот доставен пред пратениците, нејзиниот избор го направиле членовите на Комисијата за прашања на избори и именувања на Собранието на 9 ноември.

Иако изминаа неколку дена по смртта на новороденчето од Прилеп кај кое беше констатирано дека почина од сепса предизвикана од бактеријата ешерихија коли, јавноста во Македонија не се смирува и се поставуваат низа прашања.

Според статистичките податоци, во Македонија луѓето најчесто заминуваат од село во град. Обратните процеси се поретки.

Владата на 7 ноември донела нова одлука со која на Агенцијата за управување со одземен имот и дава дозвола да ја продаде конфискуваните вила и атрактивно земјиште на Водно на црногорскиот бизнисмен Миодраг Марковиќ за милион евра.

Пишувањето кодови е топ бизнис на нашата сегашност. Дигиталната доба во која живееме креира бизнис клима во која програмерите се неопходни, а според тоа и одлично платени.

Од ОКТА ја потврдија информацијата на Фактор објавена неодамна, дека нивниот втор по големина акционер, фирмата трговец со нафта и нафтени деривати „Пуцко петрол“, ја засили својата сопственичка позиција во скопската рафинерија. 

Македонските компании, кои имаат сериозни бизниси во земјава, а кои се поврзани со транспорт на големи количини материјали и производи, трпат големи штети откако прекина железничкиот сообраќај во земјава, поради напукнатиот бетонски столб на мостот на Црна Река.