ВО КУМАНОВО Е ВОВЕДЕН НОВ СИСТЕМ ЗА ПРОМЕНА НА ДОКУМЕНТИТЕ

Процесот „прв дојден, прв услужен“ беше хаотичен, особено кога имате 2,1 милиони лични документи кои што треба да се издадат. Она што сега се обидуваме да го направиме како решение е на еден достоинствен начин, во рамки на систем, да го регулираме процесот и да сториме се што е можно за обезбедување на документите. Ова го кажа техничкиот министер за внатрешни работи, Панче Тошковски при посета на службите за управни работи во Куманово, каде во функција е ставен нов систем. 

АРМ ЌЕ КУПИ НОВИ ХЕЛИКОПТЕРИ

Осум хеликоптери од италијанскиот производител „Леонардо хеликоптерс“ ќе бидат набавени за потребите на Армијата на  Македонија. Вредноста на леталата ќе изнесува 230 милиони евра, а ќе се плаќа сукцесивно на четири рати. Првата ќе биде исплатена оваа година и е во износ од 16 проценти од вкупната вредност на набавката.

Како што информира на денешниот брифинг министерката за одбрана Славјанка Петревска, изборот е направен во согласност со долгорочниот план за развој на одбранбените способности 2023-2032 година и плановите на Армијата за обновување на воздухопловната компонента.

СОСТОЈБАТА СО ГОЛЕМА КАШЛИЦА НЕ Е ДОБРА

Епидемиолошката состојба со пертусис, заразното заболување кај народот познато како голема кашлица не е стабилна. Според претседателот на Комисијата за заразни болести, д-р Александар Петличковски ова е резултат на долгогодишното неодговорно однесување на родителите кои не ги вакцинираат нивните деца. Петличковски посочи дека мора да се почитува календарот на имунизација.

ЧИТАЈТЕ УШТЕ

Жителите на Охрид, Струга, Дојран и Преспа ако живеат покрај езеро, сепак летуваат на море, а најчести дестинации им се Грција и во поново време и Албанија.

Отворен е стечај за „Дена продукт“ фирмата за корнишони  на зетот за братучетка на поранешниот премиер Зоран Заев, Атанас Костов, кој претходно го сменил името на фирмата и се обидел да ги избрише подружниците.

„Војна е девојка која нема милост ниту за еден свој љубовник“, стих од една убава македонска рок песна кој ја отсликува апсолутната вистина. Но, тоа е само едното лице на вистината, другото е тоа на државите производители и извозници на оружје. А историјата на војувањето покажува дека тие што знаат и можат да произведуваат тешки оружја секогаш ја добиваат војната!

Дали е се поизвесен влезот на моќната турска компанија „Јилдирим“ во проблематичниот кавадаречки комбинат „Еуроникел“, кој за многумина е познат како поранешен ФЕНИ, и врз кој се отвори стечајна постапка.