ВО ГОСТИВАР ИМА ОПАСНОСТ ОД ПОЈАВА НА ЖОЛТИЦА

Во Гостивар може да се појави жолтица во следниот период како задоцнета последица од загадувањето на водата. За оваа опасност предупредија од Комисијата за заразни болести. Засега нема потврдени случаи на хепатит А или хепатит Е, но здравствениот систем е ставен во готовност поради можноста симптомите да се појават по неколку недели.

Бројот на нови прегледи се намалува, но претседателката на Комисијата, Жаклина Шопова, предупреди дека по цревните инфекции може да следуваат и други заболувања.

НЕПОЗНАТА МАТЕРИЈА ОД ЛЕПЕНЕЦ СЕ ВЛЕВАШЕ ВО ВАРДАР

Отровот стигна и до Скопје, велат од СДСМ, откако бела пена се слеа од Лепенец во Вардар.

По загадувањето на водата во повеќе градови, денешното влевање на бела пена од Лепенец во Вардар е показател за системски колапс на институциите под команда на премиерот Христијан Мицкоски, обвинуваат од СДСМ.

Оттаму велат дека пената, која личи како да е синтетичка, е видлив доказ за загадувањето.

И ВОДАТА ВО ПЛАСНИЦА ДА НЕ СЕ ПИЕ

Неисправна е водата во Пласница. 

Жителите на Општина Пласница во наредниот период не треба да ја користат водата од јавната водоводна мрежа за пиење, подготовка на храна и други намени поврзани со исхраната, откако лабораториските анализи покажале дека таа е бактериолошки неисправна.

Надлежните институции соопштија дека водата во моментов не е здравствено безбедна за консумирање и апелираат до граѓаните да ги почитуваат препораките сè додека не се потврди дека квалитетот на водата е повторно во согласност со здравствените стандарди.

Во меѓувреме, надлежните служби спроведуваат активности за утврдување на причините за бактериолошкото загадување на водоводната мрежа. По отстранувањето на причините ќе бидат извршени нови лабораториски анализи, по што јавноста ќе биде навремено информирана дали водата повторно е безбедна за употреба.

Од институциите ги повикуваат жителите редовно да ги следат официјалните известувања и да постапуваат согласно препораките, со цел да се заштити јавното здравје.

ЧИТАЈТЕ УШТЕ

Имате бизнис идеја, работите со ChatGPT или друг ВИ сервис, развивате апликација и сметате дека програмирањето не било никогаш полесно, додека самиот сервис во прави лого, брендирање и комуникациски план. 

Бројот на лица кои бараат работа и се пријавуваат во Агенцијата за вработување во Македонија континуирано се намалува. Од почетокот на годинава секој месец Агенцијата бележи благ пад на невработените.

Млекара АД Битола во ревидираниот финансиски извештај доставен до Македонска берза објави дека од оваа година е во целосна сопственост на ИМЛЕК АД Србија, со што практично е откриен и купувачот на преостанатите 24 отсто акции кои беа продадени во јануари годинава.