ФАКТОР НА ДЕНОТ: ВМРО-ДПМНЕ ќе почне разговори со „Вреди“
МУЦУНСКИ НАЈАВИ ДЕКА УТРЕ ПОЧНУВААТ ПРЕГОВОРИ СО „ВРЕДИ“
Потпретседателот на ВМРО-ДПМНЕ, Тимчо Муцунски, вечерва за Телевизија Алсат официјално најави дека утре напладне очекуваат да се одржи првата средба на работната група на ВМРО-ДПМНЕ предводена од лидерот Христијан Мицкоски и претставниците на коалицијата „Вреди“ на партиите на Албанците.
Не очекува дека уште утре би се дошло до договор, но вели дека тој е извесен доколку постојат добра верба, реални очекувања и фокус на политиките во интерес на граѓаните.БОКИ 13 ПОДНЕСЕ КРИВИЧНИ ПРОТИВ ЗАЕВ, РУСКОВСКА, СПАСОВСКИ...
Шоуменот Бојан Јовановски – Боки 13 поднел кривични пријави против повеќе поранешни функционери, именувани директори, лица кои вршеле јавни функции, судии и обвинители.
Изјави дека кривичните пријави се дел од кривично-правна операција „Бумеранг“.
„Се работи за кривични дела коишто се однесуваат на злоупотреба на службената положба и овластување, изборни нерегуларности и измами, незаконско финансирање на политичка партија, злоупотреба на јавни набавки и средства, повеќе кривични дела за кои се поднесени кривични пријави“, кажа Јовановски.ПРОНАЈДЕНО ЛИЦЕТО ШТО ГО ЗАПАЛИ МОСТОТ БЕЛАСИЦА
По една година од инцидентот, идентификувано е лицето што го запали мостот Беласица кај Автокоманди и против него ќе биде поднесена кривична пријава.
Техничкиот министер за вантрешни работи Панче Тошковски сепак нагласи дека пријавениот И.Х. од 12.09.2023 година веќе се наоѓа на издржување казна затвор во КПУ "Скопје" за друго дело - тешка кражба.ЧИТАЈТЕ УШТЕ
фото Фејсбук/Христијан Мицкоски
Слично
Поврзани вести
