ВЛАСТИТЕ ВО РЕГИОНОТ ПРЕЗЕМААТ ЧЕКОРИ ЗА ГУЖВИТЕ НА ГРАНИЦИТЕ

Министерот за надворешни работи и надворешна трговија, Тимчо Муцунски денеска информираше дека земјите од регионот, во тесна соработка со Европската Унија(ЕУ) и нејзините земји членки, преземаат чекори за решавање на проблемот со метежот на граничните премини, кој е најизразен за време на летната сезона.

Вели дека веќе се водат интензивни разговори на највисоко и на техничко-административно ниво за воведување олеснувања и за надминување на предизвиците.

„Постои подготвеност од земјите членки на ЕУ да покажат флексибилност кон регионот. Очекуваме во летниот период, кога фреквенцијата е најголема, да се преземат соодветни мерки за намалување на метежот“, изјави Муцунски.

Премиерот Христијан Мицкоски денеска на одбележувањето на денот на Гоце Делчев во Скопје рече дека Македонците не треба да очајуваат поради оваа ситуација и да ја искористат за да ги посетат домашните дестинации и омилени места.

ДОКТОР СТАНКОВ СВЕДОЧЕШЕ ЗА „ПУЛС“

Директорот на Институтот за судска медицина, Александар Станков, на денешното рочиште за пожарот во дискотеката „Пулс“, во судницата во „Идризово“ изјави, дека кај 33 жртви се пронајдени цијаниди во крвта, кај 49 имало присуство на алкохол, кај осум дрога и кај четири имало седативи и антидепресиви.

Сепак, според него, главна причина за смрт кај починатите лица врз основа на обдукционите наоди и токсиколошките анализи кај 59 починати лица на 16 март 2025 година се насилно задушување од труење со јаглероден моноксид, амбиентално задушување, компресивно задушување и термичко оштетување на дишните органи. 

НАСТАВНИЦИТЕ ЌЕ ДЕЖУРААТ ВО УЧИЛИШТАТА

Се враќа обврската наставниците да дежураат на одморите. 

Министерството за образование и наука (МОН) најави засилени безбедносни мерки и поголем надзор во училиштата како одговор на неодамнешниот случај на врсничко насилство во Ѓорче Петров. 

КРИВИЧНИ ЗА НАСИЛСТВОТО ВО ЃОРЧЕ ПЕТРОВ

Покрената е кривична пријава против четири малолетнички за насилството врз девојче во Ѓорче Петров, објави Министерството за внатрешни работи. 

- На 29.04.2026 Единицата за внатрешни работи Ѓорче Петров при СВР Скопје до ОЈО Скопје поднесе кривична пријава против четири малолетнички (една 17- годишна и три 14-годишни) сите од Скопје, поради основи на сомнение дека извршиле две кривични дела „насилство“ предвидено и казниво по член 386 од КЗ.

БЕНЗИНИТЕ ПОСКАПУВААТ

Од полноќ возачите ќе точат поскапи горива. Регулаторната комисија за енергетика донесе нова одлука со која малопродажните цени на нафтените деривати се зголемуваат во просек за 3,47 отсто во однос на претходната одлука од 27 април.

Најголемиот удар за граѓаните е кај бензините. ЕУРОСУПЕР БС-95 поскапува за 2,50 денари и од 5 мај ќе изнесува 85 денари за литар, додека ЕУРОСУПЕР БС-98 исто така се зголемува за 2,50 денари и ќе чини 87 денари за литар.

ЧИТАЈТЕ УШТЕ

Компанијата „Неметали Огражден“ од Струмица како и повеќето домашни компании го објави Билансот на успех за изминатиов период од почетокот на годината. А податоците од нивниот Биланс покажуваат голем раст на добивката кој компанијата успеа да ја направи наспроти постигнувањата во истиот период претходната година.

Како што беше претходно најавено, изминатата недела е регистрирана фирмата Статус Енерџи Скопје, која во иднина е предвидено да изгради гасна централа за производство на електрична енергија во Македонија.

Македонија сè повеќе живее во дигиталната економија, но главно како потрошувач. Граѓаните без поголеми пречки купуваат производи од странски интернет платформи, плаќаат со картички и нарачуваат стоки од европски, американски и азиски веб продавници.

Пуштањето на нафтоводот Солун - Скопје во употреба во првиот месец од годината, големите залихи складирани пред почетокот на конфликтот со Иран и зголемениот извоз надвор од земјата и донесоа на ОКТА огромна добивка во првото тримесечие од 2026.