ВЛАДАТА ДОНЕСЕ МЕРКИ

Владата ја намали повластената стапката на ДДВ од 5 на 0 проценти на клучните продукти односно на лебот, шеќерот, брашно тип 400, сончегледово масло, трајно млеко свежо месо, ориз и јајца, соопшти денеска премиерот Димитар Ковачевски. Ова е една од мерките кои се усвоени на денешната владина седница. Пакетот од 26 мерки  и препораки, како што рече, содржи мерки за заштита на животниот стандард и мерки за компаниите преку развојната банка

Со намалувањето на ДДВ, вели Ковачевски се спречува наднормален профит и се штити стандардот. Владата испланиралада даде ваучери по 1.000 денари за три месеци на 35.000 граѓани за купување основни производи

Се укинуваат царинските давачки за увоз на прехранбени производи, соопшти Ковачевски. 

Сетот мерки кои го презентираше денеска Владата ќе тежи 400 милиони евра, соопшти министерот за финансии Фатмир Бесими. Тој објасни дека 90 милиони евра се пари кои се дел од некои откажани приходи откакко Владата се откажа од дел од ДДВ и од акцизите. 

Денеска до крајот на денот Регулаторната комисија за енергетијка ќе донесе нова одлука за цените на нафтените деривати што се продаваат на бензинските станици во земјава. 

ВОЗАЧИТЕ СЕ ВРАЌААТ, КАМИОНИТЕ ОСТАНАЛЕ ВО УКРАИНА

По речиси две недели чекање на границата меѓу Украина и Полска, возачи на валандовска фирма добиле дозвола да излезат од државата, меѓутоа без нивните камиони, јавува Сител.

ЗАПАЛЕН АВТОМОБИЛОТ НА ШИЛЕГОВ

Автомобилот марка „ауди“ во сопственост на поранешниот скопски градоначалник Петре Шилегов синоќа бил опожарен.

ПОВРЕДЕНИ СЕ 17 ЛУЃЕ ПРИ БОМБАРДИРАЊЕ НА МАРИУПОЛ

Во Мариупол, градот кој го бомбардираа руските сили се повредени 17 луѓе. 

Во бомбардирањето на детската болница, во која спаѓа и родилиштето, се ранети 17 лица, а меѓу ранетите има и една жена која се породила.

Украинскиот претседател Влодомир Зеленски праша уште колку светот ќе биде соучесник и ќе го игнорира овој терор. 

ЧИТАЈТЕ УШТЕ

Фондот за пензиско и инвалидско осигурување со дозвола од Владата ќе го продава битолскиот хотел „Борец“, или познат како Хотел Битола, со почетна сума од 2,75 милиони евра на јавно наддавање. Станува збор за вкупна површина од 5401 метри квадратни

Македонија не е имуна на последиците од кризата во Украина. Секојдневно сме сведоци на нови поскапувања кои го „тенчат“ стандардот на македонските граѓани. Владата најави дека во наjскоро време ќе креира мерки за ублажување на последиците од најдлабоката криза во современата историја.

Заборавената војна на Путин, со која денес може да се направат многу паралели е инвазијата на Грузија во август 2008 година. И тогаш Русија нападна за време на Олимписки игри, даде поддршка за самопрогласените независни руски региони и се обиде да ја смени прозападната Влада на Грузија. Сепак, грузискиот народ не заборава што значи руска инвазија.