НАПРАВЕН Е РЕБАЛАНС НА БУЏЕТОТ 

Владата го усвои ребалансот на буџетот. Дефицитот е проектиран на ниво од 46,2 милијарди денари, или 6,5 проценти од БДП. 

Кратење има на расходите кај повеќе буџетски корисници и тоа по основ на помалку продуктивни трошоци и по основ на проекти кои имаат послаба динамика на реализација.  Парите ќе бидат насочени кон ставки кои се очекува да дадат поголем процент на реализација и поголема додадена вредност на економијата.

НЕДЕЛА ЌЕ БИДЕ НЕРАБОТЕН ДЕН, НО ЌЕ ИМА И ИСКЛУЧОЦИ

Премиерот Зоран Заев денеска на прес конференција изјави дека недела ќе биде неработен ден.  Oва стартува од 1 октомври. 

Недела ќе биде ден за одмор, а законските измени и решенија се поднесени до Собранието. Работниците кои сепак би морале да работат во недела ќе добијат повисока плата (дневница до 50 проценти повеќе) за тој ден и слободен друг ден во текот на работните денови. 

„Ја продолжуваме поддршката и грижата на работниците, а во фокусот на нашето внимание беше значењето на рамнотежата помеѓу професионалниот и приватниот живот. Оваа рамнотежа придонесува работниците да бидат поефикасни и мотивирани на работното место, а и да имаат приватен живот, семеен и социјален. Оваа грижа за благосостојбата за мотивацијата на работниците е вградена во предложените законски решенија. Посебна грижа во дизајнирањето на законот е вложена кај работниците во секторите кај кои не е можен прекин на техничко-технолошкиот процес. На овие работници освен што ќе им следува плата за работа во недела, ќе им се обезбеди и слободен ден во текот на неделата“, рече премиерот.

АДМИНИСТРАЦИЈАТА ЌЕ ЗЕМЕ К-15 ГОДИНАВА

Годинава и јавната администрација ќе земе К-15, потврди денеска премиерот Зоран Заев. 

Ќе го исполнат ветувањето кое претходно го дадоа. Поради тоа се алоцирани дополнителни 230 милиони денари и се опфатени сите кои што спаѓаат во колективните договори.

ВМРО-ДПМНЕ ИЗЛЕЗЕ НА ПРОТЕСТИ

Професорката Наташа Котлар денеска на предупредувачкиот протест, односно блокада во Скопје, која ја организира ВМРО-ДПМНЕ изјави дека со Договорот со Бугарија, соседот го оспорува македонскиот народ и јазик.  Вели дека ќе бидеме негирани и асимилирани како народ. 

„Со Преспанската спогодба националниот идентитет е засегнат, а со овој договор целосно ќе бидеме по мерка на нашите европски соседи, односно Грција и Бугарија. Дали тоа значи дека ова е Трета Балканска војна  и сметам дека треба овие договори да бидат раскинати“, рече таа.

ДЕНЕС ИМА 23 ЗАРАЗЕНИ СО КОРОНАВИРУСОТ

Министерството за здравство информира, согласно податоците од Институтот за јавно здравје:

Во последните 24 часа се направени 2.853 тестирања, а регистрирани се 23 нови случаи на КОВИД-19 од:

Скопје – 9, Куманово и Прилеп – по 3, Струмица и Кичево – по 2, Битола, Гостивар, Гевгелија и Радовиш - по 1.

Регистрирани се 32 оздравени пациент од:

Скопје – 13, Радовиш - 4, Битола и Кратово – по 3,Прилеп – 2, Гостивар, Куманово, Штип, Струмица, Кочани, Кичево и Берово  - по 1.

СПАСЕН Е ЧОВЕК КОЈ САКАШЕ ДА СЕ САМОУБИЕ

Спасувачката акција во Скопје, кај Мавровка е успешна. По неколкучасовно убедување, човекот, кој сакаше да се самоубие, односно да скокне од балконот, од последниот кат на зградата е спасен.

ЧИТАЈТЕ УШТЕ

Во земјава помалку од 20 отсто од луѓето живеат во станови, покажуваат податоците на Евростат.

Можеме и треба да сме горди со нашите програмери кои работат во македонските претставништва на познати глобални програмерски компании, а особено со оригинерните македонски програмерски компании и нивните брендови за програмирање, но и за компјутерски конслатинг.

Која компанија колку вреди во земјава. Податоците можат да се видат и од билтените на Макледонската Берза за хартии од вредност.

И во текот на днешниот ден на граничниот премин Табановце, кон соседна Србија, забалежани се колони возила. Граѓаните од земјава кои се уште не се вакцинирани против Ковид-19, вакцината ја примаат во најблиските пунктови, најчесто во Здравствениот дом во Врање, како и во Бујановац.

Работниот ден на проф. Д-р Љупчо Коскаров декан и професор на Универзитетот Еуропа Прима почнува во 8 часот. Во поладневните часови се подготвува за пробите со своите колеги, поврзани со уметничка активност. Претседател е на Собранието на Сојузот на музички уметници на Македонија, (СОКОМ). Вели дека не постои тешка функција.