ВЕРНИЦИТЕ ГО СЛАВАТ ВЕЛИГДЕН

Православните верници денеска го слават празникот Велигден. Помладите одат на семеен ручек кај постарите. По долгиот пост денеска се јаде мрсна храна.  На трпезата задолжително има и црвени јајца, кои ја симболизираат Исусовата крв, но има и јајца во други бои. Етнолозите забележале дека во различни делови од Македонија има некои мали разлики во однос на обичаите. На Велики Четврток се подготвуваат првите јајца во црвена боја и нив домаќинките обично ги чуваат до идната година.

ПОЛИТИЧАРИТЕ ГО ЧЕСТИТАА ПРАЗНИКОТ

Mинистерката за финансии, Гордана Димитриеска-Кочоска на социјалните мрежи објави дека е во Чикаго. 

Премиерот Христијан Мицкоски го честита Велигден на верниците. 

Претседателката на државата, Гордана Сиљановска-Давкова, по повод големиот христијански празник Воскресение Христово – Велигден, којшто годинава во исти ден го слават сите граѓани од христијанска вероисповед во светот, упати честитка до поглаварите на Црквите во земјава: Македонската Православна Црква – Охридска Архиепископија, архиепископ охридски и македонски и на Јустинијана Прима, г.г. Стефан, до скопскиот бискуп и епарх струмичко-скопски на Католичката црква д-р Киро Стојанов, како и до д-р Емил Заев, претседател на Црковното претставништво на Евангелско – методистичката црква.

Велигден дава сила и надеж за справување со предизвиците, за  нови и подобри почетоци, порача лидерот на СДСМ, Венко Филипче. 

OРУЖЈЕТО НЕ МИРУВА ВО УКРАИНА

На фронтот во Украина, нема мир и за празник. Претседателот на Украина, Володимир Зеленски изјави дека Русија на Велигден извршила 46 воздушни напади и 900 гранатирања на Украина. Ова е состојбата до 16 часот, според извештајот на врховниот командант на украинската армија, Олександр Сирски.

фото Фејсбук/Христијан Мицкоски