ФАКТОР НА ДЕНОТ: Уставниот суд одлучи, во изводите нема да има националност
ВО ИЗВОДИТЕ НЕМА ДА СТОИ НАЦИОНАЛНОСТ
Уставниот суд одлучи да поведе постапка по делови од три члена од Законот за матична евиденција во кој е содржан зборот националност, во изводите за родени, за венчани и за умрени лица. Судот, исто така, донел времена мерка и од денеска, па се додека не се донесе конечна одлука службите не смеат од граѓаните да бараат податоци за впишување на националност во изводите за родени, венчани и умрени лица.
- Судот денеска изрази сомнеж во уставноста во членот 4 став 1 точка 2 во делот националност, членот 11 став 1 точка 1 во делот националност и во членот 13 став 1 точка 1, во делот националност. Во следниот период Уставниот суд ќе оценува дали е уставно покрај наведени лични податоци како што се името, презимето, податоците за раѓање и живеалиште граѓаните да ја наведуваат и својата национост во матичните книги за родените, за венчаните и за умрените лица, изјави портпаролката на Уставниот суд Христина Беловска.ПОСТАВЕНА УШТЕ ЕДНА ЕЛКА НА ПЛОШТАД
Град Скопје денеска постави уште една елка на главниот плоштад, што наликува на онаа што беше претходно наместена и предизвика негативни и саркастични реакции меѓу граѓаните.
Една од најактуелните теми деновиве на социјалните мрежи е елката на плоштадот во центарот на Скопје. Иако завчера таа беше половично накитена, во текот на вчерашниот ден елката беше довршена.ЛИЛЕ СТЕФАНОВА Е ИЗБРАНА ЗА ОБВИНИТЕЛ ВО РЕПУБЛИЧКОТО ОБВИНИТЕЛСТВО
Лиле Стефанова е избрана за обвинител во Републичкото обвинителство.
Taa денеска е избрана за обвинител во Републичкото обвинителство, односно стана еден од десетте заменици на републичкиот јавен обвинител.
На ова позиција уште неколку дена е обвинителот Љубомир Јовески, затоа што мандатот му истекува на 25 декември.
Стефанова беше дел од тимот на СЈО, а до пред изборот работеше во Обвинителството за гонење на организиран криминал и корупција.ЧИТАЈТЕ УШТЕ
Слично
Поврзани вести
