УШТЕ ДВАЈЦА ДИРЕКТОРИ ПОДНЕСОА ОСТАВКИ КАЈ АРСОВСКА

Директорите на ЈП „Улици и патишта“, Борис Настов и на ЈСП Турс, Филип Василевски , денеска денеска поднесоа оставки оред градоначалничката на Град Скопје, Данела Арсовска, по отворениот судир со ВМРО-ДПМНЕ. 

Данела Арсовска, градоначалничката на Скопје, во емисијата „Студио 10“ на ТВ24 рече дека од вчера во јавното претпријатие ЈП Водовод и канализација - Скопје се врши проверка на работата од страна на Управата за финансика полиција и Основноот јавно обвинителство за организиран криминал и корупција.

Претседателот на ВМРО-ДПМНЕ, Христијан Мицкоски изјави дека доколку скопската градоначалничка Данела Арсовска не се извини, директорите ќе покренат кривична пријава за клевета.

ЈОВЕСКИ ВЕЛИ СЕ СОБИРААТ ДОКАЗИ ЗА РУСКОВСКА

Државниот јавен обвинител Љубомир Јовески вели дека „треба да се обезбедат определени докази и за нив да се изјаснат обвинителите опфатени со постапката“ за суспензијата и дисциплинската постапка за шефицата на Основното јавно обвинителство за гонење организиран криминал и корупција Вилма Русковска.

ЛЕВИЦА ПОДНЕСЕ КРИВИЧНА ЗА ЏАФЕРИ

Во меѓувреме Левица објави дека до Основното јавно обвинителство – Скопје, поднесена е кривична пријава против претседателот на Собранието  – Талат Џафери, бидејќи тој, своеволно и спротивно на Уставот, Законот и Деловникот го оневозможил спроведувањето на граѓанската иницијатива на државно ниво за собирање на 150.000 потписи за распишување задолжителен дополнителен референдум.

ЧИТАЈТЕ УШТЕ

Народна банка го запленува недоизградениот хотел на градежниот гигант „Бетон“ зад палатата на ВМРО-ДПМНЕ во строгиот центар на Скопје. Во постапката е вклучен извршител и деловна банка-ремитент

Два милиони евра во дивиденда ќе подели УНИ Банка на сите свои акционери кои имаат акции со право на глас. Оваа деловна банка за прв пат во својата историја исплаќа дивидена и тоа е многу пријатна вест за сите инвеститори особено во овој период кога сите гледаат со крајна воздржаност на вложувањата општо на берзите заради екстерните фактори

Роковите во кои институциите ќе им плаќаат на компаниите за договорена и завршена работа ќе се намалуваат, предвидуваат измените на Законот за финансиска дисциплина. Како што е посочено во самиот закон испратен во Собрание, измените се усогласени со директивите на ЕУ за сузбивање на задоцнето плаќање при трговски трансакции.

Дел од пациентите кои треба да подлегнат на хируршка интервенција на колкови или колена се соочуват со проблем бидејќи ендопротезите се потрошени во ГОБ „8 Септември“. Велат дека за операција мора да чекаат и неколку месеци, но кај некои од нив состојбата е итна и едноставно немаат време да чекаат да заврши тендерската постапка за набавка на нова количина ендопротези.