СОНК ОБЈАВИ ДЕКА ОД УТРЕ УЧИЛИШТАТА ПРОДОЛЖУВААТ СО ШТРАЈКОТ

Штрајкот во основното и средно образование продолжува и утре, градинките ќе работат. 

Претседателот на СОНК Јаким Неделков ja соопшти оваа информација. СОНК ги сумираше заклучоците од денешниот Совет на СОНК кој разговараше за вчерашните договори со Владата.

Министерот за образование, Јетон Шаќири е разочаран од одлуката на СОНК, од утре училиштата да продолжат со штрајкот, а градинките да работат. 

Пред канцеларијата на СОНК се собраа стотина просветни работници кои не сакаат да заврши штрајкот во основното и средно образование.

УБИСТВО ВО ЧАИР

Четириесет и седумгодишен маж синоќа почина од прострелна рана во чајџилница во скопски Чаир. Според соопштението на МВР, настанот бил пријавен околу 21:40 часот, односно било пријавено дека две лица пукале од автоматско оружје на улицата „Браќа Реџепагиќи“.

ТЕНЗИЧНО Е И ВО МОЛДАВИЈА

Растат тензиите во Молдавија. 

Сепаратистичкиот регион на Молдавија прогласи црвено ниво на закана. Отцепениот молдавски регион Придњестровје го подигна своето „ниво на терористичка закана“ на црвено. Властите во Придњестровје, сепаратистички регион поддржан од Москва во источна Молдавија, денеска соопштија за експлозии во радио-телевизиската кула и прекин на емитувањето на руското радио.   

ЧИТАЈТЕ УШТЕ

Дарко Димовски, претседател на Сојузот на синдикатите на Македонија, кој преговара со Владата за зголемување на платите во целиот јавен сектор, со барање тие да се покачат линеарно за 2.806 денари за сите вработени, од најниското до највисокото ниво, смета дека постигнатиот договор меѓу Владата и СОНК, иако е добро што се најде решение, ги стави во нееднаква положба директорите на училиштата и наставниците, односно разликите во платите меѓу нив сега ќе бидат уште поголеми. 

Еден од повредените во синоќешната престрелка во скопската населба Чаир итно бил пренесен во Клиниката за хируршки болести „Свети Наум Охридски“ во Скопје, односно во старата Градска болница. Директорот, д-р Љубен Арсенков во изјава за Фактор вели дека пациентот е во добра здравствена состојба и се опоравува на Одделението за трауматологија.

Видно ослабена, освежена, со убава фризура и наочари за сонце, поранешната прва специјална обвинителка Катица Јанева, денеска објави фотографии од неа, односно селфи, како и од кафе кое таа го пие во некоја од кафетериите во земјава. 

Само 17 пензионери имаат пензии поголеми од 60.000 денари, а само 0,1 отсто имаат пензија повисока од 50.000 денари. Просечната земјоделска пензија не е ниту 8.500 денари, инвалидската пензија е пониска од 15.000 денари, семејната одвај надмина 13.000 денари,а воената што важи за највисока е одвај 385 евра. Просечната пензија во земјава за март годинава изнесува 266 евра! 

Фондот за пензиско и инвалидско осигурување на првата аукција не успеа да го продаде битолскиот хотел „Борец“, или познат како Хотел Битола, со почетна сума од 2,75 милиони евра по претходна дозвола од Владата.

Најголемата домашна пиварница ќе ги награди сите акционери со по 450 денари нето за секоја акција со право на глас. Ова е важна и позитивна вест затоа што за прв пат во три години Прилепска пиварница дели дивиденда. Поважно од дивидендата е тоа што речиси 1,2 милиони евра одат во нови инвестиции за освојување на подобри пазарни позиции