ТРИ ЛИЦА СЕ УАПСЕНИ ЗА КРИЗАТА СО ВОДАТА ВО ГОСТИВАР

По бројните објави од медиумите, стигна потврда од Министерство за внатрешни работи кое преку социјалните мрежи објави дека се уапсени три лица во врска со загадувањето на водата во Гостивар.

Согласно иницијалите и референците кои ги сподели МВР, меѓу уапсените е и директорката на јавното претпријатие Комуналец.

- Полициски службеници од ПС Гостивар во координација со Основното јавно обвинителство Гостивар лишија од слобода три лица во врска со сомненијата за загадување на водата во гостиварскиот водовод. 

ВЛАДАТА ЈА НАМАЛУВА АКЦИЗАТА ЗА ГОРИВАТА

Владата на денешната вонредна седница донесе Одлука за определување на видот на енергентите, временскиот период, како и начинот на пресметка на акцизата, со што се овозможува намалување на акцизата на нафтените деривати, а со тоа и намалување на цените на бензинот и дизелот, информираше министерката за финансии Гордана

Димитриеска-Кочоска преку објава на својот Фејсбук-профил, посочувајќи дека Владата продолжува со проактивен пристап во справувањето со последиците од кризата на Блискиот Исток.

Горивата поскапуваат од полноќ. Дизелот поскапува за 6, бензините за 3 денари.

НЕВРЕМЕ ВО ДЕЛЧЕВО И ВО КУМАНОВО

Силно невреме со обилни врнежи од дожд и ветер денеска попладне предизвика сериозни материјални штети на повеќе локации низ Делчево. Најкритична е состојбата со покрив на еден објект кој бил речиси целосно откорнат и оштетен, каде што екипите веќе интензивно работат на итна санација.

Сите надлежни локални и комунални служби, заедно со противпожарните единици, се на терен и деноноќно работат на расчистување на последиците, отстранување на паднатите гранки и нормализирање на состојбите.

Градоначалникот на Делчево, Иван Гоцевски, преку социјалните мрежи упати итен апел до сите жители на градот за максимална претпазливост:

„Ги повикувам сите граѓани кои немаат итна и неодложна потреба, да не се движат на отворено сѐ додека ситуацијата предизвикана од големото невреме целосно не се стабилизира и не се расчистат опасните површини“, порача Гоцевски.

ЧИТАЈТЕ УШТЕ

Одамна еден филм уште пред да биде прикажан нема предизвикано ваква дебата како што направи Одисеја во режија на оскаровецот Кристофер Нолан. Од спорниот кастинг кој го искористија пропагандистите во „културните војни“, до полемиката околу историската веродостојност на оклопите, костимите и недостигот на британски нагласок во дијалозите, типичен за холивудските историски и митолошки спектакли, заменет со модерен американски англиски јазик. 

Во македонските планинарски домови поголема посетеност има во пролетните, летните и есенските месеци, а меѓу гостите доминираат странците, додека бројката на домашни посетители е мала.