БУГАРСКИТЕ ПОЛИТИЧАРИ ЗБОРУВААТ ЗА ВЕТО

Ветото не е решение, а повлекувањето на амбасадорот е симболика, вели бугарскиот министер за надворешни работи, Николај Милков. 

Вели дека нивниот амбасадор во земјава Ангел Ангелов, ќе остане во Софија на консултации. Милков  за БНТ, изјави дека амбасадорот помага во утврдувањето на фактичката состојба со настаните во Македонија.

Претседателот на бугарската партија, Има таков народ, Слави Трифонов сака да се врати ветото за Македонија. 

Вели дека Македонците требало да ги слушаат нив, а ветото е клучна алатка. Објаснува дека екс бугарскиот премиер Кирил Петков се криел зад парламентот, а прашањето за Македонија е една од главните причини зошто Петков сега не е премиер.

ТЕНЗИЧНО РОЧИШТЕ ЗА ЛАСКАРЦИ

На рочиштето за супервештачењето за случајот „Ласарци“ денеска во Кривичниот суд во Скопје, четворица вештаци околу пет часа одговараа на прашања од јавниот обвинител Дарко Јакимовски, кои беа проследени со реакции и негодувања од бранителите на обвинетите. Судијката Диана Груевска Илиевска, денешното рочиштето го прекина, поради, како што рече „немање соодветни услови за работа и начин на комуникација кој не е соодветен за во судница“.

ПАЛЕ ИЛОВСКА ОСТАНУВА НА СЛОБОДА

Потврдена e слободата на велешанката Пале Иловска, која го усмрти насилниот партнер додека ја давел.

РУСКИ ПРОПАГАНДИСТ ПОВИКА РУСИЈА ДА ЈА НАПАДНЕ ГЕРМАНИЈА

Рускиот новинар Владимир Соловјов го повика Кремљ да одговори со бомбардирање на Германија, затоа што оваа земја ќе прати тенкови на Украина. 

ЧИТАЈТЕ УШТЕ

Добра вест за даночните службеници. Покрај платата, ќе можат да земаат и додатоци на плата и тоа во висина од 30 до 60 проценти од главнината на нивната плата, доколку вршат работни задачи со посебна специфична тежина. Ќе можат да добијат и парична награда во висина до една просечна месечна бруто плата исплатена во земјава.

Огромен дел од младите луѓе не ја гледаат својата иднина во Македонија, па ако на тоа се додаде екстремната инфлација и лошото справување со кризата, како никогаш досега во последните години не било тешко да се биде млад човек кој сега го формира своето образование или ги почнува првите кариерни чекори, планира семејство, купување стан или автомобил.

Јавниот превоз  во главниот град никако да се стабилизира. По повлекувањето на автобусите на приватнтие превозници, иако се зголеми бројот на автобуси од страна на Јавното сообраќајно претпријатие маките на скопјани останаа.

Звонко Шундовски, најуспешниот некогашен селектор на македонската ракометна репрезентација, реши да инвестира во бизнисот со електрична енергија и да гради фотонапонска централа.

ЕСМ направи преседан! Втор пат распиша тендер за набавка на природен гас по фиксна цена во февруари иако заради фиксната цена во јануарската набавка на бугарската фирма плати еден милион евра поскапо од понудата на „Макпетрол“!