ФАКТОР НА ДЕНОТ: Трендафилов бара одземање на имунитетот на пратеничката Стојаноска откако објави видео со неговите малолетни деца
ТРЕНДАФИЛОВ БАРА ОДГОВОРНОСТ ЗА СТОЈАНОСКА КОЈА ОБЈАВИ СНИМКА СО НЕГОВИТЕ ДЕЦА
Раководството на Сојуз на синдикати на Македонија на денешната прес-конференција обелодени дека утре во 12 часот ќе започнат со блокадата на Стопанската комора, Организацијата на работодавачи и Бизнис-конфедерацијата, а лидерот Слободан Трендафилов рече дека пратеничката од ВМРО-ДПМНЕ ,Дафина Стојановска, била таа која со мобилен телефон му ги снимила двете деца и побара нејзино разрешување.
Трендафилов најави и голем работнички протест со организиран превоз од сите градови и кој ќе биде организиран во неработен ден, пред да го организираат генералниот штрајк во јавниот и приватниот сектор.
БУБЕВСКИ РЕАГИРА ЗА ИЗЈАВИТЕ НА КАДРИУ
Јавниот обвинител Гаврил Бубевски најостро ги демантираше, како што вели, „клеветите и измислените наводи“ изнесени од адвокатката Лејла Кадриу во интервју во емисијата „Вечерното шоу на Богдан Илиевски“ на ТВ Алфа, емитувано на 7 февруари 2026 година.
Во писмена реакција, Бубевски наведува дека изјавите што се однесуваат на неговото постапување и на работата на поранешното СЈО се невистинити и имаат за цел да му наштетат на личниот и професионалниот углед.
„Наводите кои се однесуваат на моето постапување и на работата на поранешното СЈО се невистинити и креирани со цел да наштетат на мојот личен и професионалниот углед“, наведува Бубевски.ИМА НОВИ ПРАВИЛА ЗА АЗИЛ ВО ЕУ
Од јуни почнува да важи нова миграциска политика на Европската Унија(ЕУ). Пратениците во Европскиот парламент го прифатија предлогот за воведување на список на таканаречени „безбедни“ земји, односно забрзување на процедурите за потешко добивање на азил за жителите на тие држави.
Бангладеш, Колумбија, Египет, Косово, Индија, Мароко и Тунис се на листата на безбедни земји на потекло, која редовно ќе се ревидира.ЧИТАЈТЕ УШТЕ
Слично
Поврзани вести
