ТРАЈКО БОЈКОВСКИ ОД СТАРО НАГОРИЧАНЕ СЕ ТОВАРИ ЗА УБИСТВО НА ЧЕТИРИ ЖЕНИ

Трајко Бојковски (25) од селото Малотино, Старо Нагоричане ќе се гони за уште две убиства, или вкупно четири, информираа денеска од Основното јавно обвинителство. Исто така тој ќе се гони и за два обиди за убиства.

Со тоа, се товари за вкупно 6 кривични дела.  На денешниот брифинг со новинарите од обвинителството кажаа дека се работи за прв случај на сериски убиец со елементи на фемицид. Сите жртви биле жени и биле нападнати токму поради нивниот пол.

МВР објави дека до Јавното обвинителство во Куманово поднело кривични пријави за мртвопроверителите од болницата во Куманово кои претходно пропуштиле да утврдат насиулна смрт кај двете жени од Старо Нагоричане кои ги уби Трајко Бојковски (25) од кумановско.

- СВР Куманово до ОЈО Куманово поднесе и кривична пријава за сторено кривично дело „несовесно вршење на службата“ против мртвопроверителите М.С. и Д.Д. од „Општа болница“- Куманово, објави министерството.

ФЕМИЦИД СЕ СЛУЧИ ВО БИТОЛА

Обвинителството отвори истрага за убиство при семејно насилство во Битола. 

Основното јавно обвинителство Битола донесе Наредба за спроведување истражна постапка против 33-годишник за кого постои основано сомнение дека извршил кривично дело – Убиство при вршење семејно насилство, односно квалификувано според член 123 став 2 точка 2 од Кривичниот законик.

СИЉАНОВСКА-ДАВКОВА ДАДЕ КОМЕНТАР ЗА РАЗГОВОРОТ МЕЃУ МИЦКОСКИ И САВЕСКИ

Претседателката Гордана Сиљановска-Давкова денеска даде кус коментар за телефонскиот разговор на премиерот Христијан Мицкоски и државниот обвинител Ненад Савески. 

„Не можам да судам бидејќи не знам за што зборувале. За ова треба да ги прашате обајцата“, изјави претседателката. 

Вели дека можеби се пријатели, па се слушнале. 

ЧИТАЈТЕ УШТЕ

До Собранието на Република Северна Македонија е испратен нов Закон за финансиска поддршка на социјално ранливи категории на граѓани со цел олабавување на ефектите од растот на цените на основните прехранбени производи и економската криза.

Странската инвестиција Леар Корпорација по подолго време работење со загуби, оствари висока добивка од 5,2 милиони евра. И не само тоа, туку со оваа заработка, производителот на седишта и инсталации за автомобилите на Форд, БМВ и Џенерал Моторс од индустриската развојна зона во Тетово, се искачи директно на врвот за 2025 во оваа општина.

Веќе е мај, а рокот што М-НАВ го најави за новиот радарски систем на Скопскиот аеродром е јуни 2026 година. Стариот и неупотреблив радар беше демонтиран во декември 2025 година, по што требаше да следуваат градежни активности, поставување нова конструкција и инсталација на современ Мод S радар. Според тогашната динамика, новиот систем треба да влезе во оперативна употреба во јуни.

Христијан Мицкоски побара да го смени државниот јавен обвинител Љупчо Коцевски, тврдејќи дека тој е главниот кочничар на реформите во обвинителството. И желбата му се исполни. Коцевски стана уште една обвинителска „жртва“ на промената на власта, и како многу негови претходници беше разрешен пред да го заврши мандатот.