ВО ПОЛИЦИЈА СЕ ПОВИКАНИ 14 ЛИЦА ЗА НАСИЛСТВОТО ВРЗ УЧЕНИЧКА

Министерот за внатрешни работи Панче Тошковски информира дека 14 лица се повикани на разговор во врска со случајот на врсничко насилство врз шестоодделенка во скопската населба Ѓорче Петров. Меѓу повиканите се и родителите на трите ученички кои се осомничени за малтретирање на нивната соученичка.

Тошковски посочи дека истрагата е во тек и дека за дел од повиканите може да следуваат соодветни процесни дејствија. Во случајот е вклучено и Јавното обвинителство, кое постапува по насока на надлежен јавен обвинител.

- Станува збор за малолетници, па јавноста ќе биде информирана внимателно и со ограничени детали – изјави министерот, нагласувајќи ја чувствителноста на случајот.

ОБВИНИТЕЛСТВОТО БАРА МАКСИМАЛНА КАЗНА ЗА СТОЈАНЧЕ ЈОВАНОВСКИ

Со завршни зборови на странките, денеска во Основниот кривичен суд Скопје продолжи судењето против Стојанче Јовановски, на кое Обвинителството побара максимална казна за обвинетиот, оценувајќи дека во постапката е докажан континуитет на физичко, психичко и економско насилство врз Ивана Јовановска, кое, според обвинението, кулминирало со трагедијата на 2 март годинава, кога таа и нејзината шестгодишна ќерка Катја го загубија животот. 

Одбраната, пак, побара ослободителна пресуда, со став дека Обвинителството не ги докажало ниту последицата ниту каузалитетот за делата што му се ставаат на товар на обвинетиот.

СЕ ОДРЖА УШТЕ ЕДНО РОЧИШТЕ ЗА „ПУЛС“

Одбраната на првообвинетиот за пожарот во Кочани, сопственикот на изгорената дискотека „Пулс“, Дејан Јованов-Деко, пред почетокот на денешното рочиште за пожарот во судницата во „Идризово“ до судот достави дополнителна медицинска документација за нарушената здравствена состојба и побара замена на притворот со куќен притвор. 

На ваквото барање од одбраната со негодување реагираа родителите на жртвите, кои го следат процесот во судницата.

Бранителот на Деко, адвокатката Ивана Коцевска, со оглед дека Обвинителството сè уште не се произнело по предлогот за замена на притворот со мерка куќен притвор поради сериозно и алармантно влошување на неговата здравствената состојба, побара судот, како што вели, „да покаже малку човечност и хуманост. 

ШТИПЈАНЕЦОТ АСАНОВ ДОБИ ДОЖИВОТЕН ЗАТВОР

Основниот суд во Штип му изрече доживотна казна затвор на 74-годишниот Денис Асанов, обвинет за убиството на 79-годишната Борјанка Николова. Пресудата ја соопшти судијката Јулијана Недкова, откако Асанов беше прогласен за виновен.

РОКАС ПОТСЕТИ ДЕКА ИМА РОКОВИ ЗА РЕФОРМИТЕ

Maкедонија работи на десет критични точки, кои се обемни, а една од нив е реформата на Изборниот законик.

ЧИТАЈТЕ УШТЕ

Познатата конфекциска компанија АД „МОДА“ Свети Николе минатата година успеа да ја заврши со позитивен финансиски резултат, иако се соочуваат со потешкотии во работењето поради намалените нарачки од главниот партнер од Германија. Благодарени на новите договори со нови коминтенти, годината ја завршија со подобри производствени резултати.

Во Македонија 27 отсто од вработените се изјасниле дека доживеале стрес претходниот ден. Ова се податоци на Галуп кои се прибирани лани, а се објавени во април годинава. Повеќето земји од регионот дури се во полоша состојба од Македонија на ова рангирање.

„Фактор“ и оваа година ги обезбеди најголемите добивки остварени од страна на компаниите во Македонија за минатата година.

Пред да биде лансирана новата мобилна 5Г технологија, меѓу дебатата за „зрачењето“, се говореше и за бројните придобивки кои ќе ги донесе за човештвото, како на пример прикачувањето податоци во реално време, што може особено да биде корисно во криминалните истраги за расветлување убиства, кражби, киднапирања, силувања и итн.

Германската БМЗ, инвестицијата во индустријата за батерии со капацитет во Општина Илинден, која беше најавена како проект од 65 милиони евра со 775 нови работни места, во 2025 година покажува две спротивни страни: високи плати за македонски услови и сериозна загуба во билансот.