ТОШКОВСКИ И САЛИУ ВО КОНФЛИКТ ЗА ТОА ШТО СЕ СЛУЧИЛО ВО ДОЛНО КОЈНАРЕ

Министерот за внатрешни работи, Панче Тошковски, кажа дека приведувањето на новинарот Фуркан Салиу е снимено, но и дејствијата кој ги презел претходно. Тој кажа дека се надева дека јавноста ќе може да види што се случувало. Според Тошковски, Салиу присуствувал на натпревар кој бил од висок ризик – а не е приведен бидејќи вршел одредена служба или поради етничка припадност, туку бидејќи имало кривично-правен настан, пренесе skopje1.

Новинарот Фуркан Салиу за Сител изјави дека секој ден оди на стрелиште и дека тоа го планирал и по фудбалскиот меч во Долно Коњари, затоа имал пиштол во автомобилот. 

РАДЕВ ИМА ЗАБЕЛЕШКИ ЗА МАКЕДОНСКИТЕ ПОЛИТИЧАРИ И ИЗЈАВИТЕ КОН БУГАРИЈА

Бугарскиот претседател Румен Радев се жали за пораките упатени кон нив во текот на предизборната кампања во земјава. 

Тој додава дека тоа лошо влијае на односите меѓу Софија и Скопје. 

„Проширувањето на Европската Унија (ЕУ) треба да се заснова на јасни принципи, земајќи ги предвид сопствените заслуги на секоја земја во процесот на интеграција. Усогласеноста со овој принцип е гаранција за одржување на стабилноста и безбедноста во Европa“, изјави бугарскиот претседател Румен Радев на средбата со комесарот за проширување и соседска политика на Европската Унија, Оливер Вархеји, кој е во работна посета на земјата.

СРПСКАТА ПОЛИЦИЈА УШТЕ ТРАГА ПО ТЕЛОТО НА ДАНКА ИЛИЌ

Жената која живее блиску до местото каде што е убиена 2-годишната Данка Илиќ во населбата Банско Поље кај Бор, тврди дека го видела девојчето на кобниот 26 март, но не можела ни да претпостави дека во тој момент е сама и дека неколку минути подоцна ќе се случи ужасната трагедија. Таа со жалење вели дека со денови се обвинува себеси што не го зела девојчето кога го забележала во близина.

ЧИТАЈТЕ УШТЕ

Скопски „Жито Лукс“ најавува континуитет на успешното деловно работење годинава. Во неговиот план декларира дека очекува раст на добивката пред оданочување за 16% во услови кога од продажба ќе оствари приходи до 21 милион евра

Во текот на месец февруари 2024 година, во споредба со јануари 2024 година обемот на трговија на мало се намалил за 0,5 проценти во еврозоната и за 0,4 отсто во ЕУ, покажуваат најновите проценки на Евростат, статистичкиот завод на Европската унија.

АД Номагас, националниот оператор на системот за пренос на гас, платил провизија за неповлечени средства од над 400 милиони денари, поради тоа што не ги трошел договорените износи од кредитирањето од Дојче Банка и Ерсте Банка за проектот за изградба на магистралните гасоводи Штип - Неготино - Битола и Скопје - Тетово - Гостивар. 

Македонските земјоделци според статистичките податоци повеќе садат пипер, а помалку домати.