СТОЛТЕНБЕРГ Е НА СРЕДБИ СО ДРЖАВНИОТ ВРВ

Генералниот секретар на НАТО, Јенс Столтенберг пред македонските пратеници рече дека јадел полнети пиперки и ја знае песната „Ринге ринге раја“.

Столтенберг попладнево се обрати пред македонските пратеници. Рече дека Западен Балкан има посебно место во неговото срце, бидејќи додека неговиот татко работел во амбасадата на Норвешка во екс СФРЈ тој често доаѓал тука. Се сеќава дека тука го јадел и првиот сладолед.

КРМОВ ЌЕ ЈА ПЛАТИ ШТЕТАТА

Пратеникот од Левица, Борислав Крмов, во емисијата „Тешки муабети“ синоќа рече дека ќе ја плати штетата што ја направи во вчерашниот инцидент во Собранието.

Крмов го искрши микрофонот и мониторот на компјутерот на претседателот на Собранието додека се носеше новиот собраниски Деловник. Левица смета дека со новите зимени, опозицијата во Собранието нема да може да блокира закони со амандмани, односно да се служи со т.н. филибастеринг.

ЌЕ ИМА ПРЕКИН НА ОГНОТ ВО ГАЗА

Договорот за петдневен прекин на огнот меѓу Израел и Хамас и ослободување на 40 деца и 13 заложнички од заробеништво на Хамас беше постигнат по неколкудневни преговори меѓу израелските власти и политичкото раководство на палестинската милитантна група. Ова штотуку го објавија израелските медиуми Џерусалим пост.

ЧИТАЈТЕ УШТЕ

Жителите на Тиквешијата се соочуваат со невиден егзистенцијален  притисок кој во момент може да експлодира во социјална револуција. Малку ли им беше неизвесноста од банкротот на „ФЕНИ“ од кој на конце висат 800 семејства и многу локални фирми? Капак е пропадната лозарска сезона во која дождот и сушите однесоа во неповрат род вреден над 20 милиони евра...

Македонија е земја на сонцето, но од овој природен и обновлив ресурс произведуваме одвај 1% од вкупната струја. Државата има превземено обврски да го зголеми уделот на обновливите извори на енергија во вкупното производство на струја до 70% до крајот на оваа декада, иако во последните пет години просекот се движи одвај една третина.

Во Собранието влегоа два предлог-закони кои ќе се носат по брза постапка а со кои ќе се одобрат кредити, од кои едниот од Европската инвестициона банка и другиот од Европската банка за обнова и развој за изградба на последната и најтешката фаза - онаа третата од Крива Паланка до Деве Баир за железничко поврзување со Бугарија.