НЕПОЗНАТИ ЛИЦА ГО ЗАПАЛИЛЕ АВТОМОБИЛОТ НА ГРУБИ

Пратеникот oд ДУИ, Арбер Адеми на својот Фејсбук профил излезе со став околу опожарениот автомобил на вицепремиерот Артан Груби.

Според него, веста за обидот за напад врз Груби ја примил со доза на загриженост.

Министерот за надворешни работи, Бујар Османи, вели дека Аудито кое е запалено е на неговиот колега првиот вицепремиер Артан Груби. Како реакција на палањето на автомобилот, Османи на својот приватен Фејсбук профил напиша дека е револтиран.

Истражните органи сега треба да утврдат кој е вистинскиот сопственик на Аудито и дали вицепремиерот Груби криел имот со тоа што го впишал на туѓо име.

АКО НЕМА УСТАВЕНИ ИЗМЕНИ, МАКЕДОНИЈА И АЛБАНИЈА ЌЕ БИДАТ РАЗДВОЕНИ

Ако не се случат уставни измени, можно е Македонија и Албанија да бидат раздвоени во евроинтеграциите. 

Тие се дел од договорот што Македонија и Унијата го постигнаа и нема други барања, порачува француската државна секретарка задолжена за Европа Лоренс Бун во интервју за МИА. 

„Сега иднината на отворањето на пристапните преговори е во рацете на Собранието и Македонија има суверено право за да одлучи што сака. Но, се надеваме дека ова ќе се случи, дека земјата ќе се придружи на семејството на ЕУ, и се надеваме дека Македонија и Албанија ќе продолжат да бидат предводници, исто како што беа во изминатите години. Очигледно е дека постои ризик од раздвојување доколку не се усвојат уставните измени пред крајот на годината“, вели Лоранс Бун, државна секретарка за Европа на Франција.

НЕВРЕМЕ „КОСИ“ ВО РЕГИОНОТ

Граѓаните на Србија на социјалните мрежи објавија фотографии од градот кој паѓа попладнево кај нив. 

Според пишувањата на медиумите, станува збор за гад со големина на јајце или топче за голф.  Град паѓа во Чачак, Трстеник, Краљево и околните села и други места низ Србија. Штети има на земјоделските култури. Веќе неколку дена има невреме во регионот. Има и неколку загинати. Три жртви се регистрирани вчера во Србија. Меѓу нив и е и дете на возраст од 12 години.