ЈАХОСКИ ОСТАНУВА ВО ПРИТВОР

Газдата на „Пуцко Петрол“, Асмир Јахоски останува во притвор, а 2 милиони евра не беа доволни за да излезе од Шутка. 

ВРАБОТЕНИТЕ ВО КУЛТУРА ПРОТЕСТИРАА, МИНИСТЕРОТ ВЕЛИ УТРЕ ЌЕ ДОБИЈАТ ПЛАТА

Новата пресметка на плати е најправилно решение, досегашниот начин на исплата е неодржлив, вели министерот за култура и туризам, Зоран Љутков. 

Toj се надева дека до утре до 16 часот ќе бидат исплатени платите за март за околу 3.000  вработени во секторот култура во 120 институции.

Доцнењето се должи на новиот начин на пресметка на платата што, рече, е многу обемен процес. Вели дека пресметката е усогласена со Министерството за финансии и со двата колективни договора – општиот и посебниот. Објасни дека околу 6 отсто ќе биде во просек зголемувањето на платите кај сите вработени.

КРАЖБА ВО ДОМОТ НА ФАТМИР БИТИЌИ

За време на празниците непознати лица краделе во домот на пратеникот Фатмир Битиќи во Бутел.

РЕК БИТОЛА СЕ СПРАВУВА СО ЛЕБДЕЧКА ПЕПЕЛ

РЕК Битола ja информира јавноста дека активно работи на надминување на предизвиците со одлагањето на пепелта и ги уверува граѓаните дека квалитетот на воздухот не е нарушен. Ваквото соопштение следува по изминатите реакции во јавноста во врска со наводите за несоодветно одлагање на пепелта во РЕК Битола и неговото разнесување од ветерот.

„Иако присуството на прашина при поинтензивен ветер е позната појава во изминатите децении поради специфичниот процес на производство, транспортот и одлагањето на пепелта преку 3,7 километарска лента, РЕК Битола активно работи на нејзино минимизирање. Пепелта, како нуспроизвод од производството на електрична енергија, се третира со континуирано навлажнување, проследено со одлагање и засипување со земја. Сепак, високите температури и ветерот може да доведат до сушење на површинскиот слој и евентуално подигнување на прашина при нејзиното спуштање во касетата“, тврдат од РЕК Битола.

ЧИТАЈТЕ УШТЕ

По само осум месеци работа на новото директорско место, Државни електрани на Македонија остана без еден од седумте директори како членови на Управниот одбор. Формално е објавено дека Ѓорѓи Ѓорѓиевски повеќе не е директор за правни и општи работи во АД ЕСМ, а неговото име е избришано од одборот на раководители во најголемата енергетска компанија во земјата.