„БЕЗБЕДЕН ГРАД“ ЌЕ СТАРТУВА ОД 1 ФЕВРУАРИ

Собранието денеска со 81 глас „за“ и 19 „против“ и воздржани го изгласа предлог-законот за изменување и дополнување на Законот за прекршоците, по скратена постапка. Со ова се отвора патот за почеток на системот за автоматско снимање и санкционирање сообраќајни прекршоци „Безбеден град“ од 1 февруари. По барање на координаторката на „Европскиот фронт“, Рина Ајдари, гласањето беше номинално, односно секој пратеник гласаше одделно.

За законот беше потребно гласање од двотретинско мнозинство. 

Законот предвидува зајакнување на безбедноста во сообраќајот преку воведување посебна постапка за прекршоци утврдени со помош на технички средства и уреди за снимање. Брзото и ефикасно санкционирање на прекршителите и изрекувањето санкции се очекува да влијае на генерална превенција во областа на безбедноста на сообраќајот.

АЛИЈАНСА ЗА АЛБАНЦИТЕ НА УСТАВЕН ЌЕ ГО ОБЖАЛИ „БЕЗБЕДЕН ГРАД“

Алијанса за Албанците идната недела ќе го обжали проектот „Безбеден град“ пред Уставниот суд. 

Алијансата за Албанците го изразува својот критички став кон усвоените измени на Законот за прекршоци, во кој е опфатен и проектот „Safe City”, оценувајќи дека тековната примена на овој проект отвора сериозни правни, социјални и уставни прашања.

„Селективната примена на проектот „Safe City” само во Скопје, Куманово и Тетово е неправедна и дискриминаторска. Проект кој има за цел да ја зголеми јавната безбедност треба да се применува рамноправно на целата територија на државата, а не делумно и селективно. АА констатира дека не се спроведува Законот за употреба на јазиците, особено во службената комуникација со граѓаните. Известувањата и санкциите кои произлегуваат од проектот „Safe City” не се обезбедуваат рамноправно на албански јазик, што претставува директно кршење на јазичните права на албанските граѓани и е неприфатливо во една мултиетничка држава. 

ВРАБОТЕНИТЕ ВО ПОШТА ПРОТЕСТИРАА ПОРАДИ ПЛАТИТЕ

Вработените во Македонска Пошта денеска протестираат во цела држава поради тоа што платата, иако е 23 јануари, се уште не им е исплатена, објави Сојузот на Синдикатите на Македонија.

БОРЧЕ МАРКОВСКИ ИЗЛЕЗЕ ОД ПРИТВОР СО ГАРАНЦИЈА ОД 5 МИЛИОНИ ЕВРА

Сопственикот на „Марковски компани“ и почесен конзул на Белорусија во Македонија, Борче Марковски, е пуштен од притвор.

ЧИТАЈТЕ УШТЕ

Разни делови од опрема за фабрики, но и украсни предмети како приврзоци или украси од познатиот бренд „Сваровски“, но и друг тип на рачно изработени сребрени сувенири се на листите на банките за продажба.

На околу девет милиони евра се зголемиле финансиските побарувања што како краткорочна помош во позајмици им ги давал МЕПСО на претпријатијата кои работат со загуби - АД Железници Транспорт, АД Пошта и АД Водостопанство.