АПОСТОЛ СИМОВСКИ ОБЈАСНИ КАКО ЌЕ СЕ ВРШИ ПОПИСОТ

Резидентите секој сам од дома лично, а лицата кои се државјани на Македонија, а не се овде подолго од една година ќе се самопопишат преку посебна апликација која веќе е изработена или за нив ќе може да одговара лице кое добро ги познава. На пописот, најголемата статистичка операција која во Македонија ќе се спроведува во месеците  март и април ќе се попишува вкупното резидентно и вкупното нерезидентно население. Државниот завод за статистика ја објави денеска методологијата за извршување на овој процес.

Кој се е резидент, а кој не е? Според методологијата во вкупното резидентно население спаѓаат лицата државјани со место на вообичаено живеење во Македонија без оглед дали на пописот се наоѓаат на местото на живеење или во друго место во државата. Резиденти се и лицата – странци кои престојуваат во земјава подолго од 12 месеци со одобрение за привремен престој, но и лицата што имаат место на живеење во Македонија, а се во странство помалку од една година поради работи или друга причина како и членовите на нивните семесјтва кои престојуваат со нив. 

Резиденти се и лицата што имаат место на вообичаено живеење во Македонија, но во моментот се во странство како дипломати или претставници на комори, на армијата. Во вкупното резидентно население спаѓаат и странците со признат статус на бегалец што ќе се најдат во Македонија за време на пописот, но и странците со признато право на азил поради супсидијарна заштита кои во времето на пописот се нашле во Македонија. Резиденти се и странците со поднесено барање за признавање право на азил. 

ПРИТВОР ЗА КРЕАТОРОТ И АДМИНИСТРАТОРОТ НА „ЈАВНА СОБА“

Креаторот и администраторот на групата „Јавна соба“ завршија зад решетки. 

Тие беа на распит во Кривичниот суд и добија 30 дневен притвор, информираа од Кривичниот суд.

„Судија на претходна постапка го прифати предлогот и донесе решенија со кои на Д.К. и М.П. им определи мерка притвор во траење од 30 дена заради постоење на сите основи од ЗКП, односно опасност од бегство, основан страв дека ќе ја попречи истрагата со влијание на сведоците и ќе го повтори или доврши кривичното дело“, наведуваат од Кривичниот суд.

Бидејќи постои опасност од бегство, можност да влијаат врз сведоците или да го повторат кривичното дело, јавниот обвинител за двајцата осомничени на возраст од 32 и 21 година, до судијата на претходна постапка при Основниот кривичен суд Скопје достави предлог за определување мерка притвор.

АКЦИЈА ВО ПРИЛЕП

Голем број на полицајци, инспектори, припадници на специјалните единици апсат на повеќе локации низ градот Прилеп.

ЗА ВАКЦИНИРАЊЕ ЌЕ СЕ ПРИЈАВУВАМЕ ОНЛАЈН

По примерот на Србија, и кај нас Министерството за здравство подготвува веб-страница, на која граѓаните ќе може да се пријавуваат за примање на вакцината против Ковид-19.

Оттаму потврдуваат дека во тек се подготовките на страницата сајтот. 

ДЕНЕСКА ИМА 314 ЗАРАЗЕНИ СО КОРОНАВИРУСОТ

Денеска се регистрирани 314 нови случаи на Ковид 19 – вкупната бројка на дијагностицирани е 94.196, оздравени се 210 пациенти – починати се 8 лицa.

Министерството за здравство информира, согласно податоците од Институтот за јавно здравје во последните 24 часа се направени 2,161 тестирања, а регистрирани се 314 нови случаи на ковид-19 во:

Скопје – 179, Кавадарци – 17, Прилеп – 16,  Велес – 12, Охрид – 11, Тетово – 10, Битола – 7, Делчево – 6, Гевгелија и Неготино – по 5, Куманово, Гостивар, Струмица, Струга, Радовиш, Демир Хисар и Демир Капија – по 4, Кичево и Крушево – по 3, Штип, Свети Николе и Крива Паланка – по 2, Ресен, Пробиштип, Виница, Валандово, Кратово и Дојран – по 1

Регистрирани се 210 оздравени пациенти од:

Скопје – 108, Кавадарци – 28, Кичево – 8, Куманово – 7, Прилеп, Велес и Неготино – по 6, Тетово и Струмица – по 5, Штип и Крива Паланка – по 4, Битола, Гевгелија и Ресен – по 3, Гостивар, Виница, Кратово и Пехчево – по 2, Охрид, Радовиш, Демир Капија, Свети Николе, Пробиштип и Кочани – по 1

Пријавени се вкупно 8 починати лица.

ЧИТАЈТЕ УШТЕ

Државната комисија за спречување на корупција и судир на интереси го објави анкетниот лист на Коста Петров, кој со назначувањето за ВД директор на Фондот за иноваци и технолошки развој за прв пат доби државна функција.

До јуни Португалија ќе ја има во раце раководната палка во Европската Унија и барем засега дипломатските сигнали се дека проширувањето нема да биде во фокусот, туку поголеми внатрешни проблеми, закрепнувањето од КОВИД-19 пандемијата и надворешните односи. 

Есенва скопјани, но и граѓаните од цела држава и пошироко, ќе имаат прилика да го посетат најголемиот и убедливо најрепрезентативниот шопинг центар во регионот, Ист Гејт Мол.