ШИЛЕГОВ БАРА ОСТАВКА ОД ФИЛИПЧЕ

Петре Шилегов, поранешен градоначалник на Скопје и член на СДСМ, со пост на Фејсбук побара оставка од лидерот Венко Филипче.

СОБРАНИЕТО ГО ИЗГЛАСА ПАКЕТОТ ЗАКОНИ ЗА „БЕЗБЕДЕН ГРАД“

Собранието со 65 гласа „за“ и ниту еден „против“ и „воздржан“ попладнево ги донесе предлог законите за измени и дополнување на Законот за извршување на санкциите, на Законот за полиција, на Законот за возила и на Законот за безбедност на сообраќајот на патиштата, сите по скратена постапка. Тие се дел од пакетот закони потребни за целосно функционирање на системот „Безбеден град“.

Собраниската Комисија за одбрана и безбедност претходно денеска ги проследи измените на Законот за полиција и измените и дополнувањата на Законот за безбедност на сообраќајот на патиштата, кои се дел од пакетот закони потребни за целосно функционирање на ситемот „Безбеден град“ на понатамошна постапка во Собранието.

ЉУПЧО ПЕЦОВ-ЃАВОЛОТ Е ПУШТЕН ВО ДОМАШЕН ПРИТВОР

Контроверзниот бизнисмен со нафтени деривати Љупчо Пецов - Ѓаволот по втората поднесена жалба е пуштен од ефективен во домашен притвор, во случај поврзан и со апсењето на поранешниот државен правобранител Фехми Стафа кој беше фатен во обид како адвокат со 100.000 евра да поткупи судија за да суди во корист на осомничениот неготински трговец.

ГРЧКОТО МНР РЕАГИРАШЕ ЗА ИЗЈАВАТА НА МИЦКОСКИ ЗА ИМЕТО

Грчкото Министерство за надворешни работи реагираше денеска за изјавите на премиерот Христијан Мицкоски кој за внатрешнополитички цели тврдеше дека го „вратил името“ на Македонија бидејќи и лидерот на СДСМ, Венко Филипче почнал да ја нарекува така земјата наместо Северна Македонија.

„Потсетуваме дека уставното име на соседната држава е ‘Северна Македонија’, како што е јасно дефинирано во член 1 од Преспанскиот договор, на кој таа е страна. Преспанскиот договор е дел од Уставот на Северна Македонија и е целосно обврзувачки за двете страни, како на меѓународно, така и на домашно ниво. Секој обид за фалсификување или менување на содржината на Договорот нема да биде прифатен од грчката страна. Преспанскиот договор е дел од меѓународното право и неговото почитување е основа на мирниот соживот на народите и државите. Во меѓународните договори нема фактички ситуации, нивната примена е униформна и универзална. Напредокот во билатералните односи со Северна Македонија и непреченото продолжување на европскиот пат на нејзиниот сосед бараат строго почитување на договорите и почитување на принципот на добрососедски односи“, стои во реакцијата на грчкото МНР.

ЧИТАЈТЕ УШТЕ

Ако судиме според податоците на Државниот завод за статистика(ДЗС), домаќинствата во последниве години консумираат поголема количина ајвар за разлика од пред десетина години. 

Сите кои се заинтересирани за купување станови, но и градежниците може да здивнат. Повластената стапка од само пет проценти за првиот промет на згради или станови останува во примена до крајот на 2028 година. Поради ова, данокот нема да биде причина за дополнително поскапување на и онака скапите недвижности.

По две и пол години изградба, со нови анекси во вредност од 700.000 евра поскапе реконструкцијата на Палата АСНОМ (поранешната зграда на Комерцијална банка која свевремено беше купена од Владата) зад Археолошки музеј. Ова потсетува на времето од пред десетина години кога „Бауер БГ“ добиваше огромни тендери со најповолна понуда, а потоа растеше цената на проектите со нови трошоци.

Љупчо Коцевски е првиот јавен обвинител на кого му била изгласана интерпелација во Собранието, а таа недоверба од законодавната власт кулминираше со постапката за негово разрешување иако тој сам си поднесе оставка и одби да се соочи со пратениците за неговото работење.