ЗА НЕКОЛКУ ДЕНА СТАРТУВААТ РЕСТРИКЦИИТЕ ЗА НЕВАКЦИНИРАНИТЕ

Многу е едноставно, или ќе се вакцинирате, или не може да одите во кафулиња и кафеани и таму да ја ширите заразата. Вака може да се парафразира пораката што денеска ја пренесе министерот за економија, Крешник Бектеши, околу најновите владини мерки.

На прес конференција тој појасни дека потврдите за вакцинирање ќе се бараат на влез на угостителските објекти.

ЗАРАЗЕНИ ПРАВЕЛЕ СВАДБА

Младоженци од Тетово си направиле свадба иако двајцата и нивните семејства биле позитивни на брзите ковид тестови.

Лекарот Илчо Ефкоски во Фејсбук статус пишува дека зетот и невестата дошле да примат инфузии за да се освежат пред свадбата. Од дома се напиле парацетамол и не му пријавиле на докторот дека имаат температура. 

НОВИ 143 КОВИД СЛУЧАИ

Министерството за здравство информира, согласно податоците од Институтот за јавно здравје:

Во последните 24 часа се направени 3.101 тестирање, а регистрирани се 143 нови случаи на КОВИД-19:

Скопје – 79, Гостивар – 16, Кичево – 12, Дебар – 8, Куманово – 7, Тетово и Струга – по 6, Радовиш – 3, Струмица – 2, Кавадарци, Крива Паланка, Берово и Македонски Брод – по 1.

Регистрирани сe 32 оздравени пациенти од: Дебар – 9, Скопје – 8, Тетово – 5, Гостивар – 3, Свети Николе и Пехчево – по 2,  Кавадарци, Битола и Гевгелија  - по 1.

ВО ТЕТОВО МЛАДА ЖЕНА ПОЧИНА ОД КОВИД

Пациентка на возраст од 31 година починала изминато деноноќие по неколку дневна хоспитализација во ковид – центарот во Тетово поради утврдено присуство на коронавирус. Таа имала и хронична болест, а развила и инфекција на белите дробови, информираше денеска координаторот во ковид – центарот д-р Гзим Нуредини.

ЧИТАЈТЕ УШТЕ

Ниту Државниот пазарен инспекторат, ниту угостителите знаат како ќе ги легитимираат граѓаните дали се вакцинирани или не од 16 август, по донесената одлука на Владата во саботата вечерта.

На кое место на скалата на приоритети ни е цивилната одбрана која се покажа како клучна и неопходна за заштита на животите и имотите за 2 милиони жители? Годинава државата издвојува „топтан“ 14 милиони евра за пожарникарите, ЦУК и ДЗС - трите инстанци кои се во меѓусебна интеракција и координација во системот на цивилна одбрана и заштита.

Воведувањето на „Ковид“ пасоши за движење на вакцинираните, и ограничување на тие кои не се имунизирани е се поголема реалност во Македонија. Министерството за здравство и Комисијата за заразни болести дадоа нови препораки кои на прв поглед донесоа бројни негодувања и критики дека го нарушуваат човековите права.

Иван Туџаров, претседател на Управниот одбор на „Реплек“ му префрлил дел од акциите на Никола Туџаров во фармацевтската компанија, односно 1.500 акции, со што Никола Туџаров сега има акционерски капитал од над 5 отсто, или точно 5,79 проценти.