МАСКИ ЌЕ МОРА ДА НОСИМЕ НА ЧЕТИРИ МЕСТА

Комисијата за заразни болести по својот редовен состанок денеска соопшти олабавување на две антиковид мерки. Претседателот на советодавното тело, д-р Александар Петличковски изјави дека по процена на епидемиолошката состојба, условите им овозможуваат за намалување на дел од рестриктивните мерки кои се во насока на спречување на ширењетоп на корона вирусот.

ДЕНЕС ИМА 195 ЗАРАЗЕНИ СО КОВИД

Во последното деноноќие се регистрирани 195 нови случаи на Ковид-19, соопшти Министерството за здравство. Од нив од Скопје се 107, Битола – 16, Охрид – 11, Прилеп и Кавадарци – по 9, Велес, Струмица и Делчево – по 4, Гостивар, Кичево, Кочани и Крушево – по 3, Куманово, Штип, Свети Николе, Крива Паланка, Дебар, Валандово и Демир Капија – по 2, Тетово, Струга, Радовиш, Берово и Пробиштип – по 1.

ВО УКРАИНА ИМА НОВИ ЖРТВИ, НО И ИСЧЕЗНАТИ

Ракетирана е железничка станица во источниот дел од Украина. 

Повеќе луѓе загинаа откако три ракети погодија железничка станица во источна Украина, оштетувајќи згради и шини. 

Најмалку четири лица загинаа денеска во руски артилериски напад, а уште толку се повредени на пункт за дистрибуција на хуманитарна помош додека руските војници бомбардираа градови и железничка инфраструктура во источниот дел на Украина. 

Најновите информации од Украина се дека околу 400 луѓе се исчезнати од градот Хостомел во близина на Киев. 

ЧИТАЈТЕ УШТЕ

Луѓето кои ја напуштиле Украина, на социјалните мрежи стапуваат во контакт со своите сонародници ширум Европа, при што бараат сместување, работа, а некои од нив бараат и психолошка помош затоа што се истрауматизирани од она што го доживеале во нивните градови.

И покрај тоа што за нови министри во Владата на премиерот Димитар Ковачевски беа избрани на средината на јануари годинава, дури ни сега, речиси три месеци подоцна, на веб страницата на Државната комисија за спречување на корупцијата не се објавени анкетните листови на министерот за правда Никола Тупанчески, ниту за новата вицепремиерка задолжена за политики за добро владеење, Славица Грковска.

Доскорешниот прв човек на националниот оператор на електропреносниот систем МЕПСО, Куштрим Рамадани, од Управниот одбор на топланата Скопје Север АД е назначен за директор на ова претпријатие кое е сопственик на топловодна мрежа и на топлана за загревање на скопските населби Чаир, Топанско Поле и Скопје Север.

Вицепремиерот Маричиќ, од заеднички имот има стан од 65 метри квадратни во Скопје, од 3,6 милиони денари, кој е наведен како заеднички имот, стекнат со договор за купопродажба, а располага и со моторно возило Цитроен од 180 илјади денари. Како имот на деца има два девизни депозити од по 1.100 евра, како и денарски депозит од 15 илјади денари. Како заеднички имот, пак, Маричиќ пријавил кредит од три милиони денари.