ПОМИНАА 20 ГОДИНИ ОД ПОТПИШУВАЊЕТО НА РАМКОВНИОТ

Артан Груби, првиот вицепремиер, одговарајќи на новинарско прашање, денеска рече дека „не е редар за да бара сертификати“ пред утрешното централно одбележување на 20-годишнината од потпишувањето на Охридскиот рамковен договор.

- Не сум редар за да барам сертификати, прашајте ги службите. Не знам јас за тоа, ре;е Груби кога беше запрашан дали на утрешниот настан ќе биде дозволено да присуствуваат само вакцинирани гости. Тој рече дека за почитувањето на протоколите е задолжен организаторот, а не лично тој и дека бил во постојана консултација со Министерството за здравство и Центарот за јавно здравје - Скопје.

СДСМ го прозва лидерот на ВМРО-ДПМНЕ, Христијан Мицкоски, откако тој одлучи да не присуствува на централаната прослава на 20-годишниот јувилеј од потпишувањето на  Охридскиот рамковен договор, како безидеен политичар кој политичката егзистенција ја остварува преку сеење поделби.

Лидерот на ДУИ, Али Ахмети денеска изјави дека мисијата на Хасан Приштина не е завршена и дека таа продолжува со патот кон ЕУ. 

РАСТЕ БРОЈОТ НА ЗАРАЗЕНИ ВО МАКЕДОНИЈА

Министерството за здравство информира, согласно податоците од Институтот за јавно здравје:

Во последните 24 часа се направени 5.390 тестирање, а регистрирани се 639 нови случаи на КОВИД-19:

Скопје – 218, Тетово – 113, Гостивар – 99, Струмица – 37, Куманово – 34, Кичево – 32, Битола – 17, Струга – 16, Дебар – 9, Велес и Охрид – по 8, Прилеп ,Кавадарци и Берово – по 6, Штип ,Ресен и Македонски Брод – по 5, Валандово – 4, Кочани – 3, Радовиш и Делчево – по 2, Неготино,Крива Паланка , Виница и Демир Капија – по 1.

Регистрирани сe 22 оздравени пациенти од: Скопје – 8, Куманово – 5, Тетово – 4, Гостивар – 2, Струмица, Битола и Кочани – по 1.

ЗА ПОЖАРИТЕ ИМА 17 ПРИВЕДЕНИ

Полицијата приведе 17 лица за пожарите кои се случија изминатиов период во Македонија. 

Министерот за внатрешни работи Оливер Спасовски денеска на својот Фејсбук профил напиша дека дел од пожарите се подметнати или се предизвикани од невнимание на одредени луѓе. 

И ВО РЕГИОНОТ ИМА СЕ ПОВЕЌЕ ЗАРАЗЕНИ

Косово урива рекорди со бројот на заразени од коронавирусот, а денес  има повеќе од Србија, Хрватска, Македонија. 

За 24 часа имаат  рекордни 1.009 случаи. Бројот на активни случаи денеска достигна 4.414. Реализирани се 540 илјади вакцинации, од кои скоро 18 илјади вчера. За споредба, Србија денес има 983 заразени.  Хрватска има 333 нови случаи на коронавирусот. 

ЧИТАЈТЕ УШТЕ

Јаворка Постоловска, психолог од Берово која и самата деновиве била во непосредна близина каде гореа пожари, бидејќи потекнува од село на кое му се закануваше опасност од огнот, вели дека последиците по психолошкото здравје допрва ќе ги почувствуваме од она што се случи.

Веднаш по недвижностите, купувањето на нов автомобил претставува една од најголемите одлуки кои ги носите во Вашиот живот. Постојат голем број на алтернативи во даден буџет, што дополнително ја отежнува одлуката...

Граѓаните не престанаа на ставаат пари како заштеди во банка, но во оваа криза, за разлика од останатите, чувале и многу пари во готовина кај себе. Како се рефлектираше кризата во однесувањето на домаќинствата и парите со кои располагале - анализира Народната банка.

„Пуцко петрол“, компанијата на синот на пратеникот на ДУИ, Исмаил Јахоски од Пласница, е добитникот на тендери со најголема вкупна вредност во 2020, покажува објавениот извештај за минатата година на Бирото за јавни набавки. Компанијата која главно ги снабдува со горива општините од западниот дел на земјата, но и ЈСП Скопје, е на првото место во рангирањето со јавни набавки во збирна вредност од 1.625.534.000 милијарди денари, или 26,5 милиони евра, пресметало Бирото за јавни набавки.

Неколку дена по ред не престанува да расте бројката на новозаразени од ковид 19 во земјава, а вчера особено загрижувачки прозвуче информацијата за големиот број смртни случаи. Односно, само во еден ден короната однесе дури осум животи, а беа регистрирани дури 588 нови случаи, откако завчера, пак, бројот на новозаболени изнесуваше 518.

АТОРУС, Асоцијацијата на руски туроператори, објави дека руските туристи ова лето го преплавуваат Балканот преку Македонија, затоа што летовите се со директна линија, се патува без визи и авионите може да полетуваат со 95 отсто оптовареност. Покрај тоа што значително повеќе ја посетуваат Македонија, од тука понатаму се упатуваат кон Црна Гора, Албанија, Дубровник, Бугарија и Грција.