ФАКТОР НА ДЕНОТ: Се бара одговорност за пасошот на Онишченко, а Обвинителството води постапка за 17 лица вмешани во инцидентот во Куманово
СЕ БАРА ОДГОВОРНОСТ ЗА ПАСОШОТ НА ОНИШЧЕНКО
Премиерот Димитар Ковачевски вели дека мора да има одговорност за издавањето на македонско државјанство на украинскиот државјанин Олексндр Онишченко, кој што е на црната листа на САД.
Тој е огорчен што институциите во Македонија дозволиле таков пропуст, а причините очекува да ги открие внатрешната истрага во Агенцијата за национална безбедност.
„Она што е обврска на Агенцијата за национална безбедност е да спроведе сеопфатна истрага внатре во своите редови, во однос на тоа како е спроведена постапката и за тоа да ја информира Владата секако на затворена владина седница, бидејќи тоа се сензитивни информации“, изјави Ковачевски.17 ЛИЦА СЕ ВМЕШАНИ ВО ИНЦИДЕНТОТ ВО КУМАНОВО
Обвинителството отвори постапка за насилство во група во Куманово.
Во врска со настан регистриран на видео снимки објавени на социјалните мрежи во Куманово, Основното јавно обвинителство Куманово постапува по кривична пријава против вкупно 17 лица.
ПОЛСКА МУ ЗАБРАНИ ВЛЕЗ НА ЛАВРОВ
Полска му забрани влез на рускиот шеф на дипломатијата, Сергеј Лавров, а Русија е гневна. За Москва ова е преседан. Велат дека со ова Полска се дискредитира себеси.
Русија ја осуди и ја оцени како провокативна одлуката на официјална Варшава, која одби да го пушти Лавров да влезе на нејзина територија каде требаше да учествува на состанокот на шефовите на дипломатиите на ОБСЕ.
Слично
Поврзани вести
