ЌЕ ИМА ПРОМЕНИ ВО ВЛАДАТА

Сега следува консолидација на партијата и понатаму нов мандатар за нова Влада, изјави утрово во Утрински брифинг вицепремиерот Фатмир Битиќи, одговарајќи на прашањето за оставката на Зоран Заев. Најави дека ќе има промени на министри, а за себе вели дека не е оптоварен со тоа дали ќе остане или не.

„Во нашето општество скоро е невозможно да имате премиер различен од претседател на носечката партија освен ако нема техничка или експертска влада. Сега следува консолидација на партијата и понатаму нов мандатар за нова влада. Сметам дека наскоро ќе добиеме „Заев 3“ Влада, повторно Влада предводена од Заев со тоа што ќе се сменат шест-седум министри. Мислам дека тој ни треба за да продолжат некои процеси, вели Битиќи.

Нова влада или реконструкција на Владата подразбира преговори меѓу коалиционите партнери кои може да бидат комплицирани за распределба на нови ресори.

ПОЗИТИВНИ СИГНАЛИ ОД СОФИЈА

Историјата да не биде единствен критериум за членство на Северна Македонија во ЕУ, порача копретседателот на коалицијата „Промената продолжува“ Кирил Петков, што победи на парламентарните избори во Бугарија. 

Вели дека не треба да се урне целиот процес на добрососедството со Македонија. Петков кажа дека за решавање на прашањето потребно е да се направат правилни работни групи во кои, освен историчари, ќе влезат луѓе од бизнисот, културата, инфраструктурата.

ИМАМЕ НАД 500 ЗАРАЗЕНИ СО КОРОНАВИРУСОТ

Министерството за здравство информира, согласно податоците од Институтот за јавно здравје дека во последните 24 часа:

· Направени се 3.126 тестирања, а регистрирани се 524 нови случаи на КОВИД-19:

Скопје –215, Битола – 44, Кавадарци – 27, Куманово и Крива Паланка – по 24, Прилеп, Велес и Кочани – по 21, Берово – 15, Делчево – 14, Тетово – 13, Гевгелија – 10, Неготино – 9, Кратово – 8, Штип и Демир Хисар – по 6, Охрид, Радовиш, Виница и Валандово – по 5, Кичево, Ресен и Богданци – по 4, Гостивар и Струга – по 3, Струмица и Пехчево – по 2, Свети Николе, Демир Капија, Македонска Каменица и Дојран - по 1.

КАСАМИ ЗАТЕКНАЛ 350 ХОНОРАРЦИ КОИ НЕ СЕ ЗНАЕ ШТО РАБОТАТ

Новиот градоначалник на Тетово, Билал Касами, по првичната анализа на работењето на општината под водство на претходничката Теиута Арифи констатирал дека има повеќе хонорарци отколку редовно вработени кои немале опис на работни задачи.

ЧИТАЈТЕ УШТЕ

Ако ги погледнеме огласите за вработување, ќе видиме дека сѐ почесто се бараат жени за нега и грижа на стари и изнемоштени лица.

Откако ги „искара“ Антикорупциската комисија пред локалните избори, запреа со вработувањата, но сега државните институции продолжија да распишуваат огласи за прием на нови вработени.

И во Македонија дел од вакцините против ковид наскоро ќе мора да бидат уништени поради тоа што им истекува рокот до крајот на ноември, а едноставно не може да бидат потрошени. Станува збор за вакцините од британско-шведскиот производител АстраЗенека, кои се околу 25.000 на број, а со кои во моментов се врши само ревакцина на граѓани над 60 години.

Три банки и една брокерска куќа – преку нив на странски пазари наши граѓани и фирми во првите девет месеци годинава истргувале акции и обврзници вредни 47 милиони евра. Сумата е за 7,4 милиони евра или за 19 отсто поголема со истиот период лани, покажуваат податоците на Комисијата за хартии од вредност (КХВ) .

Искрено сожалувам со Антонио Ангелоски кој лани во август ја предизвика сообраќајната несреќа на патот Охрид-Свети Наум. Тој за цел живот е осуден, на совест ќе носи два млади животи и три осакатени девојчиња.