ВМРО-ДПМНЕ ГО ОБВИНИ ФИЛИПЧЕ ДЕКА ИГРАЛ ПО БУГАРСКО СЦЕНАРИО

Филипче продолжува да го игра бугарското сценарио за Македонија, да ја понижува сопствената држава, притоа заборавајќи дека тој и неговиот струмички ментор е виновникот заради чие предавство и прифаќање на штетен договор сега сме предмет на уцена и притисок, се вели во соопштението од ВМРО-ДПМНЕ.

„Македонија ќе продолжи со реформите без разлика на диоптријата која е јасна, а тоа е дека извештајот како многу пати во минатото и во други земји се користи како дел од политичките условувања, притисоци и динамика на земјата. Но за нас е јасно дека вакви и слични извештајчиња ќе продолжат се додека не се најде решение со Бугарија. Но и покрај тој негов аспект, извештајот сметаме дека е одличен и не охрабрува да продолжиме на патот на реформите и го гледаме како патоказ на кој треба да се фокусираме во иднина. Истовремено очекуваме овие теми да се разговараат во иднина, исто така и Филипче како притиснат на дугме да продолжи да крева паники, затоа што човекот едноставно е заложник и киднапиран и ние тука ништо не можеме“, велат од партијата на власт.

РУСТЕМИ И САИТИ ОСТАНУВААТ ВО ПРИТВОР

Кривичниот совет на Основниот кривичен суд Скопје ги одбил жалбите на одбраните и го потврдил притворот на сега веќе поранешниот в.д. директор на Комунална хигиена, Сабахудин Рустеми, и на управителот за отпад во јавното претпријатие, Аки Саити, соопштија денеска од Судот.

СВЕДОК КАЖА ДЕКА ДАЛ 500 ЕВРА МИТО ЗА ДА ДОБИЕ ТЕРАПИЈА НА ОНКОЛОГИЈА

Со сослушување на сведоци предложени од Обвинителството, денеска во Основниот кривичен суд Скопје, продолжи судењето против поранешниот директор на Клиниката за онкологија Никола Васев, кој заедно со уште двајца онколози е обвинет за несовесно лекување пациенти. 

Пред Судот беа сослушани повеќе оштетени сведоци, законски застапници на починати пациенти, кои зборуваа за лекувањето и конкретната терапија на Клиниката за онкологија.

ЧИТАЈТЕ УШТЕ

Од билансите на деловните банки за работењето и успесите во првите три квартали од годината, односно по девет изминати месеци од 2025, може да се заклучи дека нема значително ниту зголемување, ниту намалување кај приходите од провизиите, откако Народна банка во јули побара да поевтинат услугите во платниот промет.

Компанијата „Неметали Огражден“ од Струмица како и повеќето домашни компании го објави Билансот на успех за изминатиов период од почетокот на годината. А податоците од нивниот Биланс покажуваат огромен  раст на добивката која компанијата успеа да ја направи, особено ако се спореди со добивката остварена истиот период минатата година.

Стоматологот Беким Сали кој беше министер за здравство во владата на Димитар Ковачевски е на чекор до нова функција - прв вицепремиер во владата на Христијан Мицкоски. Ќе го наследи Изет Меџити, кој повторно се врати во градоначалничката фотелја во Чаир.