РЕВИЗИЈАТА ОТКРИ ДЕКА ПЕНЗИОНЕРИ ЗЕМАЛЕ И СОЦИЈАЛНА ПОМОШ

Пензионери земале и социјална помош, а дел од корисниците добиле пари иако не го исполнувале условот за возраст, покажува ревизијата на Државниот завод за ревизија за исплатата на права од социјална заштита.

Според ревизорите, поради слабости во системските контроли, размената на податоци меѓу институциите и недоволната проверка на корисниците, биле исплатени социјални права без целосно исполнување на законските услови.

Само кај конкретно наведените случаи, државата неосновано исплатила околу 300.000 евра.

ДЗР во соопштението наведува дека „ревизорите утврдиле 235 корисници кои истовремено, стекнале, односно користеле и права од социјална заштита и пензија, при што неосновано биле исплатени 14.536 илјади денари, односно околу 236 илјади евра“. овие средства биле исплатени на лица кои во исто време биле евидентирани и како корисници на пензија и на права од социјална заштита.

НОВ ПОЖАР ВО ШТИП, ИМА ПОВРЕДЕН

Пожар се шири над штипско Ново Село.

Граѓаните бараат од директорот на Дирекцијата за заштита и спасување(ДЗС), Стојанче Ангелов, како и од сите надлежни служби, под итно да бидат ангажирани авионите и хеликоптерите за гаснење на пожарот од воздух.

Ангелов информира дека веќе дејствува „ер трактор“ на ДЗС во гаснењето на пожарот над штипско Ново Село.

МИНИСТЕРСТВОТО ЗА ЗДРАВСТВО СООПШТИ ДЕКА СЕ ИСТРАЖУВА ДАЛИ ИМАЛО ЗЛОУПОТРЕБИ СО ЛИСТИ НА ЧЕКАЊЕ ЗА ОПЕРАЦИИ

Министерството за здравство има сознанија за можни злоупотреби со листите на чекање за операциии - оди пациентот да се оперира, го враќаат назад да направи нова крвна слика, пациентот прави нова и излегува дека била добра, изјави министерот за здравство, Азир Алиу. 

Тој вели дека се проверуваат евентуални злоупотреби. 

КАЗИНА НЕМА ДА СМЕЕ ДА ИМА НА 500 МЕТРИ ОД УЧИЛИШТАТА

Собранието денеска даде зелено светло, со 59 гласа ЗА, за предлог-законот за игрите на среќа. 

Со ова казината нема да смеат да се во растојание од 500 метри до училиштата, забрана за рекламирање на излозите на коцкраниците, се забранува рекламирање со кое коцкањето се претставува како начин до личен успех, секој апарат мора да има задолжителен систем за локација (GPS) за тековна контрола од страна на УЈП, лиценците нема да можат да се мултиплицираат, се воведуваат финансиски давачки за отварање на нови уплатно-исплатни места, зголемување на износите на банкарските гаранции и имплементација на препораката MONEYVAL (Совет на Европа) како стандард во борбата за спречување на перење на пари и финансирање на тероризам.

Охриѓани велат дека е поисплатливо становите да се издаваат од ноќ на туристи отколку за подолг период да се сместат кираџии.

ЈП „Водовод и канализација“ Скопје ја завршило 2025 година со загуба од околу 1,3 милиони евра, иако претпријатието има 1.050 вработени според кадровата евиденција, односно 1.071 вработен според просекот врз основа на часови на работа.

Агенцијата за управување со одземен имот објави Оглас бр. 8/2026 за продажба на одземени моторни возила преку второ електронско јавно наддавање.

Развојна банка, државната банка за кредитирање на бизнисот, остварила помали приходи од камата и помала добивка во 2025 поради пласирањето на средствата од таканаречениот „Унгарски кредит“ кое што започна на почетокот од минатата година.

Во последно време многу се говори за дата центри, и се шпекулира за потребата и можните ризици од нивната изградба, па затоа најпрво стручно да објасниме што се дата центри, како се разликуваат од т.н. серверски фарми, што е потребно од природни ресурси за истите да функционираат и кои се најголемите грижи што ги прават спорни.