ФАКТОР НА ДЕНОТ: Промена на грбот ќе има, но Касами говори дека и химната треба да се смени
КАСАМИ ВЕЛИ ДЕКА И ХИМНАТА ТРЕБА ДА СЕ СМЕНИ
Oткако премиерот Христијан Мицкоски вчера кажа дека со Вреди разговараат за промена на државниот грб, Билал Касами од БЕСА вели дека и химната треба да се менува.
Toj вели дека и албанскиот јазик треба да влезе во Уставот.
„Сакаме да го отсликаме новото време, а тоа е Македонија да биде дел од европското семејство. Ќе бевме подготвени да разговараме за пакет каде што секако ќе се разгледуваше грбот, прашањето за химната, но и прашањето за другите уставни измени поврзани со унапредувањето на албанските права или прашањето за несоодветното дефинирање на албанскиот јазик во Уставот, како јазик на 20 отсто“, Касами.ДАЛИ ВЛАТКО ЃОРЧЕВ МОЛЕЛ СТЕЈТ ДЕПАРТМЕНТОТ ДА НЕ ЈА УРИВА ВЛАДАТА НА ГРУЕВСКИ?
Според неофицијални сознанија на Фактор, Македонецот кој ги молел властите во САД да не ја рушат Владата во Македонија чиј премиер беше Никола Груевски, е Влатко Ѓорчев кој долги години беше пратеник од ВМРО-ДПМНЕ.
Тој одговара на објаснувањето кое го дава Кетрин О Нил, поранешна вработена во Стејт департментот.
ПОРАДИ ОГРАНИЧУВАЊЕТО НА МАРЖИТЕ МОЖЕ ДА СЕ ЗАТВОРАТ ПРОДАВНИЦИ И МАРКЕТИВо врска со намалувањето на маржите за 10 отсто, до сите медиуми со голем писмен допис се обрати Стопанската комора на трговци на големо и мало претежно со прехранбени и непрехранбени производи, пијалоци и тутун.
Тие, како што пишуваат до медиумите, доставиле и до Владата барање за итна средба за состојбите во врска со одлуката за ограничување на маржите.
А, оваа комора, како што велат, е основана практично сега, односно на 10 февруари годинава, на основачко Собрание, токму откако Владата ја донесе одлуката за ограничувањето на маржите до 30 април, со опфаќање на основните прехранбени продукти, детергентите и бебешката храна. Таа комора е во фаза на упис во Централниот регистар, со едногласно донесени одлуки за основање.ЧИТАЈТЕ УШТЕ
Слично
Поврзани вести
