ОД УТРЕ ЌЕ ИМА БЛОКАДИ ВО МАКЕДОНИЈА

На 4 места, во Скопје пред Владата, како и блокирање на магистралните патишта Штип Велес, Струмица Радовиш и Плетвар Прилеп, објавија неформалните организатори „Ултиматум – НЕ благодарам“.

СЕ ОДРЖА ШЕСТИОТ ПО РЕД ПРОТЕСТ

Поранешниот амбасадор и вицепремиер за европски прашања Ивица Боцевски вели дека ова лето ќе биде запаметени како лето во кое македонскиот народ повторно си ја зема државата во свои раце. 

Тој кажа дека државниот врв преговарал со Софија, а лажеше дека не преговара и резултат на тоа е францускиот предлог. 

Боцевски кажа дека пред себе гледа три знамиња, и луѓе од повеќе националности. 

„Се обидоа да не разбијат и скршат. Се сеќаваме завчера кога ни ги уфрлија оние со качулките, се сеќаваме што направија вчера, кога на нас потегнаа пиштоли, сакаа крв да падне, сакаа во црно да ја завијат Македонија и од овде мора да порачаме дека одговорноста за овие настани е кај Димитар Ковачевски, Оливер Спасовски, кај Бујар Османи“, изјави Боцевски.

Од Македонец Бугарин не бива и во најлошиот кошмар, изјави вечерва актерот Сашо Тасевски на протестот. 

ВМРО-ДПМНЕ НЕМА ДА ПОДДРЖИ УСТАВНИ ИЗМЕНИ

Лидерот на ВМРО-ДПМНЕ, Христијан Мицкоски изјави дека неговата партија нема да поддржи никакви уставни измени. 

Вели дека што и да се случува, каква и да е национална катастрофа, тие нема да прифатат, и власта 80 пратеници нема. Кажа дека предавници во овој состав немаат.  Порача дека нема да наседнуваат на провокации. 

ПРИВЕДЕНИ ЛИЦАТА КОИ ПРАВЕА НЕРЕДИ

Полициски службеници од Единицата за насилен криминал - Одделение за крвни деликти при СВР Скопје денеска во полициска станица извршија службен разговор со С.Р.(34) од Скопје, кој беше идентификуван од страна на полицијата како лице кое за време на инцидентот во близина на споменикот Скендербег држел пиштол во раката, но не го употребил.

Кривична пријава за учество во толпа што ќе изврши кривично дело против лицето што фрлаше со „молотови коктели“. 

Приведен демонстрант кој повреди полицаец за време на вчерашниот протест и против него поднесена кривична пријава.

ЧИТАЈТЕ УШТЕ

По десетина години перипетии Македонија конечно ќе доби берза на која ќе се продава и купува струја по јавни, транспарентни цени кои се формирани само и исклучиво од понудата и побарувачката за електрична енергија.

Државниот завод за ревизија во својот годишен извештај за работата во 2021 ги претстави капиталните проекти на државата кои одамна требаше, а се уште не се довршени, иако за тоа се подигнати заеми од меѓународните кредитори.. За нив веќе се платени провизии од неверојатни 58 милиони евра, иако не се изградени во предвидениот рок, ниту пак има изглед кога ќе се изградат.

Во Македонија се уште е релативно мал процентот на вакцинирани против корона вирусот, и во периодов кога бројките на новозаразени драстично почнаа повторно да растата, здравствените власти соопштија дека стартуваат со вакцинација на четвртата доза против Ковид-19.

За првпат дојде до судир меѓу две групи на вчерашниот протест против „францускиот предлог “, а се пукаше и во воздух на плоштадот Скендербег. Претходно дел од демонстрантите извикуваа и навредливи скандирања против Албанците. Речиси како по сценарио се остваруваат најголемите стравови - дека протестите ќе станат насилни и дека ќе дојде до меѓуетнички судири.