ПРИВЕДЕН Е СТЕФАН БОГОЕВ

Основното јавно обвинителство за гонење организиран криминал и корупција, во координација со Управата за финансиска полиција, спроведува акција поради постоење основано сомнение за сторени кривични дела од коруптивна природа.

„Под координација на ОЈО ГОКК, Управа за финансиска полиција спроведува акција поради постоење на основано сомнение за сторени кривични дела од коруптивна природа. Акцијата уште трае. Како што знаете додека се постапува не може да се споделат повеќе детали“, информираат од ОЈО ГОКК.

Неофицијално, меѓу четирите лица опфатени со денешната акција е и поранешниот директор на Царинската управа, Стефан Богоев.

Осомничените се товарат за злоупотреби, финансиски малверзации и други незаконитости поврзани со спроведувањето на тендерската постапка. 

Претседателот на Европскиот совет, Антонио Кошта попладнево во Скопје изјави дека останува условот за уставни измени за да може Македонија да ги почне преговорите со Европската Унија(ЕУ). 

Кажа дека усвојувањето на уставните измени е единствениот начин за формално започнување на пристапните преговори. Тоа значи отклучување на процесот. Кошта рече дека само треба да се направи она што е договорено во 2022 година и ништо повеќе. Нагласи дека ЕУ е најголем инвеститор и трговски партнер на Македонија. 

„Моќта да ја обликувате вашата иднина е во ваши раце“, кажа Кошта. 

ВЛАДАТА ГО УСВОИ НОВИОТ ЗАКОН ЗА ЗАШТИТА ОД ПУШЕЊЕ

Владата го усвои новиот Закон за заштита од пушење. Се затвора „сивата зона“ за терасите, а угостителите добиваат една година грејс-период.

Владата денеска го усвои Предлог-законот за заштита од употреба на производи од тутун или сродни производи, информираат од Министерството за здравство (МЗ). Од ресорното министерство соопштија дека ова претставува важен чекор за јавното здравје и за создавање поздрав, побезбеден и поодговорен јавен простор.

АНДОНОВСКА БАРА РЕВИЗИЈА ВО ИЈЗ

Актуелното раководство на Институтот за јавно здравје (ИЈЗ) открило низа неправилности во работењето на институцијата, меѓу кои исчезнат интернет-кабел долг 15 километри, вреден околу 15.000 евра, како и недостиг на документација за набавена опрема.

Директорката на ИЈЗ, Марија Андоновска, изјави дека во институцијата не била спроведена ревизија од 2017 година, а при внатрешните проверки се констатирани повеќе спорни набавки и договори. Набавени биле компјутери, лаптопи и мобилни телефони „ајфон“, но за дел од опремата постојат само барања за набавка, без реверси или трага каде завршила.

ЧИТАЈТЕ УШТЕ

Според податоците на Државниот завод за статистика(ДЗС) oд 2022 година, во Македонија 29.596 луѓе одговориле дека зборуваат од 3 до 7 странски јазици. Овие кадри можат да градат кариера во земјава, но и да си бараат работа во странство. Во повеќе сектори можат да го покажат своето знаење. 

„Фактор“ ги обезбеди податоците за најголемите приходи и добивки за минатата година на млекарниците кои произведуваат сирење и кашкавал во Македонија, според регистарот што го води Агенцијата за храна и ветеринарство.

фото Фејсбук/Стефан Богоев