УАПСЕНИ КАПУШЕВСКИ И ЈАХОСКИ

Приведени Ратко Капушевски газдата на РКМ и Асмир Јахоски сопственикот на Пуцко Петрол во истрага за набавка на мазутот за ТЕЦ НЕГОТИНО и електрани, дознава Телма.

Повеќе извори на Телма потврдија дека попладнево се приведени и се вршат претреси во домовите на сопствениците на РКМ и Пуцко Петрол, Ратко Капушевски и Асмир Јахоски. Надлежните само потврдија дека се вршат претреси во рамки на истрага на обвинителството за гонење на организиран криминал за злоупотреби при набавка на деривати.

УБИЕЦОТ НА ВАСИЛ ЕФТИМОВ ПРИЗНА ВИНА

Елвин Куртовиќ призна вина за убиството на 59 годишниот златар Васил Ефтимов, кое се случи во август лани среде бел ден кај трговски центар Мавровка во Скопје. Кажа дека не се чувствува добро. 

„Многу се каам за кривичното дело. Не сакав да го убијам човекот. Се случи несреќа. Бев под дејство на дроги неколку денови, навистина. Пред тоа лежев за некакви ситни дела во споредба со ова што сега одговарам. Многу ми е жал“, изјави Куртовиќ. 

СДСМ ОБЈАВИ АФЕРА

СДСМ денеска објави документи со кои тврди дека фирма предводена од сопругот на Гордана Клинчарова, државен секретар на Министерството за дигитализација и втор човек во овој ресор, добил тендери во вредност од 50.000 евра од истата институција.

ВМРО-ДПМНЕ ГО КРИТИКУВА ПЕНДАРОВСКИ ЗА СТАВОТ ЗА МАКЕДОНСКАТА ПОДДРШКА ЗА ТРАМП

ВМРО-ДПМНЕ го нарече „озборувач“ поранешниот претседател Стево Пендаровски кој рече дека Македонија не требаше да се истрчува со поддршката за американскиот претседател Доналд Трамп и да биде коспонзор на резолуцијата за Украина. 

ТРЕНДАФИЛОВ СЕ ЖАЛИ НА ОДНОСОТ ОД ВМРО-ДПМНЕ

Слободан Трендафилов, лидерот на Сојузот на синдикати на Македонија, на денешната прес-конференција рече дека е невидено пратеник од власта, во случајов Бране Петрушевски од ВМРО-ДПМНЕ, седум дена пред медиумите да го дискредитира работничкото движење. 

Тој вели дека во ниту една демократија, туку само во случаи како Белорусија, власта политички ја напаѓа синдикалната организација само затоа што побарала минимална плата да се зголеми на 500 евра. Во моментов, според Трендафилов, партиски потрчовци во улога на раководители вршат притисоци над вработените во министерствата, јавните претпријатија и општините. Им се давале пристапници да се приклучат во нерелевантни паралелни синдикални организации.

ЧИТАЈТЕ УШТЕ

Многу жени кај нас се пожалиле дека на јавни места доживеале непријатности во смисла префрлање, свиркање, демнење и слично.

Трговците и маркетите кои пред еден месец формираа „Стопанската комора на трговци на големо и мало претежно со прехранбени и непрехранбени производи, пијалоци и тутун“ за да се спротистават на ограничувањето на маржите и ценовните мерки го формализираа своето работење, но без членови од типот на малопродажните гиганти како „Тинекс“, „КАМ“, „Стокомак“, „Веро“, „Рамстор“, „Кипер“, „Жито“ или „Кит-Го“.

Ако Македонија навистина може да се пофали по неколку работи, една од нив секако е и доброто вино. А ако некоја компанија знае да направи добро вино, тоа секако дека е најголемата винарија во земјава и на Балканот, кавадаречки „Тиквеш“. Впрочем, лани остварените приходи доволно говорат сами за себе.

Катерина Дамјановска, Стојна Маџарева и Сашо Босилков, да бидат членови на Одборот на директори на тетовски „Жито Полог“. 

„Адинг“ лани во секој квартал го натфрлал планот за производство при што најмалото натфрлање било 20 проценти, а најголемото 150 отсто. Компанијата го зголемила извозот за 21 процент, домашните продажби пораснале 6 отсто и тоа на крај создало добивка од 1,18 милиони евра