МИЦКОСКИ ВЕЛИ ДЕКА НЕМА ПОТРЕБА ОД КРИЗНА СОСТОЈБА

Премиерот Христијан Мицкоски денеска пред медиумите рече дека нема да биде прогласена кризна состојба од страна на Владата со цел да се намали акцизата на горивата по големиот пораст на цените, особено на дизелот.

Мицкоски рече дека горивата имаат најниска цена во регионот и граѓани од соседните земји поради тоа точеле гориво во земјата. Премиерот очекува стабилизација на цените по денешните вести од светската берза.

- Во пограничните општини голем број од граѓаните од соседството доаѓаат да точат дизел гориво и затоа побргу од очекувањата на некои бензински станици снемува гориво. Државниот пазарен инспекторат е континуирано на терен и нема прекини во снабдувањето. 

НЕНАД САВЕСКИ Е ПРЕДЛОГОТ ЗА ДРЖАВЕН ЈАВЕН ОБВИНИТЕЛ

Владата на денешната седница го утврди предлогот за нов државен јавен обвинител, кандидатот кој ќе биде предложен до Собранието е судијата Ненад Савески.

Ненад Савески е роден на 22 јули 1976 година, а потекнува од Гостивар, каде и живее со семејството. Оженет е и е татко на три деца.

МЕНКИНОСКИ ЌЕ ЈА ОСПОРИ ОДЛУКАТА НА БУГАРСКИТЕ ВЛАСТИ 

Адвокатот Тони Менкиноски најави дека ќе ја оспори одлуката на бугарските власти со која му е изречена забрана за влез во Бугарија до 2036 година. Тој вели дека во постапката правно ќе го застапува бугарскиот Хелсиншки комитет за човекови права.

Менкиноски, кој ги застапува македонските здруженија од Бугарија пред Европскиот суд за човекови права во Стразбур, кажа дека одлуката на источниот сосед ја доживува како форма на заплашување.

ЧИТАЈТЕ УШТЕ

Од агенциите за недвижен имот објаснуваат дека купувачите со задоволство ќе изберат станови на 1-ви или 2-ри кат, но избегнуваат станови на приземје или поткровје.

Ариан Етеми, член на бордот на директори на Нормак Инвестмент Гроуп, норвешкиот конзорциум кој под 90-годишна концесија управува со технолошко-индустриската развојна зона во Тетово, истовремено во изминатиот период станал  и сопственик на неколку фирми кои работат надвор од оваа дејност.

Поголема заштита и подобри начини за управување на пензионерското осигурување може да се постигне со воведување на мултифондовите во осигурителниот пазар во нашата земја.

Секоја криза за опуртунистите може да значи и „благослов“, односно идеални услови за неочекувана заработка. 

фото Фејсбук/Христијан Мицкоски